‘नो केबलकार’ पक्षलाई वार्तामा आउन गृहमन्त्रीको आह्वान

Share this
750shares
मुलुकी खबर
मुलुकी खबर
clock२०८१ फागुन १८, आइतबार १४:०२

काठमाडौं । गृहमन्त्री रमेश लेखकले ताप्लेजुङको पाथीभरा (मुक्कुम्लुङ) क्षेत्रमा निर्माणधीन केबलकारको विरोध गर्ने समूहलाई वार्तामा आउन आह्वान गरेका छन् ।

लेखकले ‘नो केबलकार’ पक्षलाई समस्या समाधानका लागि वार्ता आउन आह्वान गरेका हुन् । राष्ट्रियसभा बैठकमा आइतबार सांसदहरुले उठाएका प्रश्नको जवाफ दिँदै मन्त्री लेखकले ‘नो केबलकार’ समूहको मागप्रति सरकार गम्भीर रहेको उल्लेख गरे ।

उनले केबलकार निर्माणमा देखिएका समस्या वार्ता र छलफलमार्फत समाधान गरिने बताए । ‘केबलकार निर्माणलाई लिएर उत्पन्न समस्या समाधानका लागि सरकार गम्भीर छ । वार्ता आउन आह्वान गर्छु,’ उनले भने ।

गृहमन्त्री लेखकले जनतालाई अनुभूति हुने गरी देशमा शान्ति सुव्यवस्था कायम गर्न सरकार लागिरहेको बताए । उनले कुनै पनि समस्याको समाधान वार्ता र संवादमार्फत मात्रै सम्भव रहेको उल्लेख गरे ।

त्यस्तै, लेखकले केबलकार निर्माण गर्ने निर्णय २०७५ सालमै भएको जानकारी दिए । केबलकार निर्माणका लागि वन क्षेत्रको जग्गा प्रयोग गर्न दिने र रुख बिरुवा हटाउन स्वीकृति दिने गरी मिति २०७५ पुस १६ गते निर्णय भएको उनको भनाइ छ ।

‘पहिलेकै निर्णय अनुसार काम अघि बढेको हो । निर्माणधीन केबलकारको सुरक्षार्थ तत्कालको लागि बटम स्टेशनमा सशस्त्र प्रहरी बलको बेस क्याम्प स्थापना गर्ने सन्दर्भमा नेपाल प्रहरीसँगको सहकार्यमा परिचालन हुने गरी सुरक्षा व्यवस्थापन मिलाउने निर्णय २०८० साल माघ २ गते भएको हो । उक्त निर्णय तत्कालीन गृहमन्त्रीस्तरबाट भएको थियो,’ लेखकले भने ।

केबलकारको विवाद समाधान गर्न सरकारले पहलकदमी लिइरहेको उल्लेख गर्दै उनले वार्ता र संवादको माध्यमबाट शान्तिपूर्ण समाधान गर्न सरकारले चाहेको जानकारी दिए । वार्ताका लागि गृहमन्त्रालयका सहसचिवको संयोजकत्वमा २०८१ साल माघ २० गते वार्ता टोली गठन गरिएको थियो ।

सहसचिव प्रेमप्रसाद भट्टराईको संयोजकत्वमा गठित वार्ता टोलीसँग ‘नो केबलकार’ पक्षधरको वार्ता पनि भयो । तर, वार्ता निष्कर्षमा पुगेन । आन्दोलन जारी छ । आन्दोलनरत पक्षले मन्त्रीस्तरीय वार्ताको टोलीको माग गरिरहेको छ ।

वार्ता टोलीले आन्दोलनरत पक्षसँग सहजीकरण गरिराखेको र पटकपटक संवाद पनि भएको जानकारी गृहमन्त्री लेखकले दिए । पछिल्लो समयमा वार्तामा केही अवरोध आएका कारण वार्ता समितिले आन्दोलनरत पक्षलाई वार्ताका लागि यही फागुन १२ गते पुनः आह्वान गरेको उनको भनाइ छ ।

आन्दोलनरत पक्षबाट उठाइएका सामाजिक, धार्मिक तथा स्थानीय समुदायका समस्यालाई सम्बोधन गर्न सरकार प्रतिबद्ध रहेको लेखकले बताए । शान्तिपूर्ण ढंगले समस्या समाधान गर्ने पक्षमा सरकार रहेको लेखकको भनाइ छ । केबलकार निर्माण क्षेत्रमा उच्च सतर्कता अपनाएर शान्ति सुरक्षा प्रदान गरिरहेको पनि उनले बताए ।

‘म आन्दोलनरत पक्षका साथीहरूलाई खास गरेर स्थानीय मानिसहरूका के कस्ता चासोहरू, सरोकारहरू छन् तिनलाई वार्तामा बसेर शान्तिपूर्ण ढंगले सम्बोधन गरी समस्याको समाधान गर्न यसै सदनमार्फत अपिल गर्न चाहन्छु,’ लेखकले भने ।

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.