मोरङमा करेन्ट लागेर बाख्रो मर्यो, तान्ने क्रममा युवतीको ज्यान गयो

Share this
701shares
मुलुकी खबर
मुलुकी खबर
clock२०८१ फागुन २५, आइतबार १६:२१

विराटनगर । मोरङको मिक्लाजुङमा करेन्ट लागेर मरेको बाख्रोलाई तान्ने क्रममा आइतबार दिउँसो १ जना युवतीको मृत्यु भएको छ ।

करेन्ट लागेर मिक्लाजुङ गाउँपालिका–१ चित्रेकी १८ वर्षीया अनामिका राईको मृत्यु भएको मोरङ प्रहरीका प्रवक्ता डीएसपी वेदप्रकाश जोशीले जानकारी दिए । उनका अनुसार अनामिकाको बाख्रा शनिबारदेखि नै हराएको थियो ।

हजुरबुवा धनवीर राईलाई लिएर बाख्रो खोज्न निस्किएकी अनामिकाले खोजी गर्दै जाने क्रममा बिजुलीको पोलमुनि मरिरहेको देखिन् । मरेको बाख्रोलाई हतारहतार तान्ने क्रममा करेन्ट लागेर उनको मृत्यु भएको डीएसपी जोशीले बताए ।

उनका अनुसार अनामिकाकै बारी हुँदै लगिएको १२ हजार भोल्ट करेन्ट प्रवाह भइरहेको बिजुलीको ‘ब्यारेल’ भाँचिएर पोलबाट विद्युत ‘लिक’ भएको प्रारम्भिक अनुसन्धानबाट खुलेको छ । ‘पोलबाट ‘लिक’ भएको करेन्टले बाख्रो मरेको रहेछ,’ उनले भने, ‘बाख्रोलाई तान्न खोज्दा युवतीको पनि ज्यान गएको पत्ता लाग्यो ।’

मृत बाख्रोलाई तान्ने क्रममा अनामिकालाई दिउँसो १ः३० बजेतिर करेन्ट लागेको डीएसपी जोशीले बताए । उनका अनुसार करेन्ट लागेर अनामिकाको घटनास्थलमै मृत्यु भएको हो ।

अनामिकालाई करेन्ट लागेपछि उनलाई जोगाउन हजुरबुवा धनवीर पनि पुगेका थिए । तर, हजुरबुवा भने सकुशल रहेको प्रहरीले जनाएको छ । ‘नातिनीलाई जोगाउन जाँदा हजुरबुवालाई पनि सामान्य करेन्ट लागेछ । तत्काल जोगिन सकेकाले थप क्षति हुन पाएन । अवस्था सामान्य छ,’ प्रहरीले भन्यो ।

घटनाको अनुसन्धानका लागि इलाका प्रहरी कार्यालय उर्लाबारीका इन्स्पेक्टर रन्जन बराल नेतृत्वको टोली भर्खरै घटनास्थल पुगेको छ । कानुनी प्रक्रिया पूरा गरी शवलाई पोस्टमार्टमका लागि उर्लाबारीको मंगलबारेस्थित मदन भण्डारी अस्पताल एवं ट्रमा सेन्टर लैजाने प्रहरीको तयारी छ । डीएसपी जोशीले घटनाको थप अनुसन्धान भइरहेको जनाए ।

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.