
कैलाली । कैलालीको धनगढी उपमहानगरपालिका–१९ फूलबारीस्थित मोहना नदीमा नुहाउने क्रममा डुबेर २ जना किशोरको मृत्यु भएको छ ।
नदीमा डुबेका २ जनालाई सकुशल उद्धार गरिएको छ । नदीमा डुबेर फूलबारीका १५ वर्षीय दिनेश ओझा र १६ वर्षीय आशिष ओझाको मृत्यु भएको प्रहरीले जनाएको छ ।
डुबेर मृत्यु भएको अवस्थामा उनीहरुको शव बाहिर निकालिएको थियो । उनीहरूसँगै नुहाउनलाई नदीमा पसेका १६ वर्षीय करन सिंह धामी र १५ वर्षीय आदर्श पुजाराको उद्धार गरिएको प्रहरीले जनाएको छ ।
दुवै जनाको सेती प्रादेशिक अस्पतालमा उपचार भइरहेको छ । होलीको रंग खेलिसकेपछि उनीहरु नुहाउन गएको प्रहरीको भनाइ छ । प्रहरीले घटनाको अनुसन्धान सुरु गरेको छ ।

























