
काठमाडौं । स्थानीय प्रशासनले ललितपुरका केही क्षेत्रमा निषेधाज्ञा जारी गरेको छ । कार्यपालिका,व्यवस्थापिका र न्यायपालिकाका कार्यालय,अतिविशिष्ट व्यक्तिहरूको निवास र प्रशासनिक केन्द्र आसपासका जिल्ला प्रशासन कार्यालय, ललितपुरले दुई महिनाका लागि निषेधाज्ञा जारी गरेको हो । निषेधाज्ञा सोमबारबाट सुरु हुनेछ ।
प्रमुख जिल्ला अधिकारी रमेश ढकालका अनुसार निषेधाज्ञा जारी भएका क्षेत्रमा पाँच जनाभन्दा बढी व्यक्ति भेला भइ अनसन, धर्ना, घेराउ, जुलस, प्रदर्शन तथा सभा जस्ता विरोधका कार्यक्रम गर्न पाइने छैन ।



























