अघोषित लोडसेडिङको मारमा निजी क्षेत्र

Share this
689shares
मुलुकी खबर
मुलुकी खबर
clock२०८१ चैत ७, बिहीबार ०८:१४

विराटनगर । १२ घण्टासम्म अघोषित लोडसेडिङ हुनथालेपछि निजी क्षेत्र असन्तुष्ट बनेको छ । भारतले दिउँसो मात्रै विद्युत दिन थालेपछि पूर्व क्षेत्रको औद्योगिक ग्रीडमा १२ घण्टासम्म विद्युत कटौती भइरहेको छ । जसले गर्दा उत्पादन ७० प्रतिशतसम्म कटौती भएको भन्दै निजी क्षेत्रले असन्तुष्टि जनाएको हो ।

अघोषित रुपमा लोडसेटिङ हुँदा उत्पादन लागत बढेको नेपाल उद्योग वाणिज्य महासंघ कोशी प्रदेश अध्यक्ष राजेन्द्र राउतले बताए । अघोषित लोडसेटिङका कारण नयाँ उद्योग थपिने अवस्था नरहेको उनले बताए । ‘ प्रदेश सरकारले लगानी सम्मेलन पनि गर्दैछ, यस्तो अवस्थामा नयाँ उद्योग कसरी थपिन्छ ?’ उनले भने,‘जबसम्म विद्युत पर्याप्त हुँदैन,तबसम्म नयाँ उद्योग लगाउने अवस्था आउँदैन ।’ उनले विद्युत कटौतीका कारण सिमेन्ट र छठको मुल्य बढ्ने अवस्था आएको बताए ।

अघोषित लोडसेडिङका कारण उद्योगको उत्पादन ३० देखि ४० प्रतिशतमा खुम्चिएको मोरङ उद्योग व्यापार संघका अध्यक्ष अनुपम राठी बताउँछन् । विद्युत दिने भनिएको समयमा पनि बारम्बार कटौती भइरहेको उनले बताए । जसका कारण उत्पादन लागत बढेको उनको भनाई छ । ‘सिमेन्ट, स्टिल, प्लाष्टिक उद्योगलाई १२ घण्टाले पुग्दैन, मेसिन तताउन समय लाग्छ, यी उद्योग ८ घण्टा पनि चल्न सकिरहेको छैन,’ उनले भने ।

पहिले ५० देखि ६० प्रतिशत क्षमता चलिरहेका उद्योग अहिले ४० प्रतिशत भन्दा तल झरेको उनले बताए । उर्जा मन्त्रालय र विद्युत प्राधिकरणको सम्बन्धको कारण पनि समस्या बढेको उनले बताए ।

उद्योग संगठन मोरङका अध्यक्ष राकेश सुराना सरकार विद्युत प्राधिकरणको टसलको मारमा निजी क्षेत्र परेको बताउँछन् । ‘धेरै ठूलो समस्या बनायो, उद्योग चल्नै गाह्रो अवस्था छ,’ उनले भने,‘ कुलमान घिसिङ मन्त्रालयलाई दोष लगाउँदै हुनुहुन्छ, मन्त्रीले कुलमानलाई दोष लगाउँदैछन,उहाँहरुको जुँगाको लडाइमा प्राइभेट सेक्टर अफ्ठयारो पर्याे ।’

तपाइको प्रतिक्रिया
सीओपीडी रोगको जोखिम र समयमै उपचारबारे जनचेतना र्‍याली
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.