
झापा । काँकडभिट्टा नाकाबाट पेट्रोलियम पदार्थको आयातमा कमी भएको छ । अघिल्लो आर्थिक वर्षको तुलनामा चालु आर्थिक वर्षको ८ महिनामा कम इन्धन आयात भएको हो ।
चालु आर्थिक वर्षको ८ महिनामा काँकडभिट्टाबाट १२ अर्ब ७४ करोड १६ लाख मूल्य बराबरको पेट्रोलिय पदार्थ आयात भएको मेची भन्सार कार्यालयका सूचना अधिकारी ईश्वरकुमार हुमागाईंले छ । उनका अनुसार गत आवको ८ महिनाको तुलनामा चालु आवको सोही अवधिमा ६४ करोड १७ लाख ५९ हजारले पेट्रोलियम पदार्थको आयातमा कमी भएको हो ।
गत आवको ८ महिनामा १३ अर्ब ३८ करोड ३३ लाखको पेट्रोलियम पदार्थ आयात भएको थियो । पेट्रोलियम पदार्थको आयात घटे पनि राजस्व बढेको जानकारी हुमागाईंले दिए ।
चालु आवका ८ महिनामा पेट्रोलिय पदार्थको आयातबाट ६ अर्ब १२ करोड ४२ लाख राजस्व संकलन भएको छ । उक्त राजस्व गत आवको सोही अवधिको तुलनामा ५.६ प्रतिशतले बढी हो । गत आर्थिक वर्षको ८ महिनामा ५ अर्ब ८० करोड १८ लाख रूपैयाँ राजस्व संकलन भएको थियो ।

























