धरानमा महिलाको हत्या, रुखमुनि भेटियो शव

Share this
741shares
मुलुकी खबर
मुलुकी खबर
clock२०८१ चैत २५, सोमबार १९:०६

विराटनगर । सुनसरीको धरानमा हत्या गरेर फालेको अवस्थामा महिलाको शव फेला परेको छ ।

धरान उपमहानगरपालिका–६ स्थित पाँचकन्या सामुदायिक वनमा सोमबार दिउँसो १२ः३० बजेतिर शव फेला परेको थियो । गोठालो गएकाहरुले वनभित्र लसुनेको रुखमुनि शव देखेपछि प्रहरीलाई खबर गरेका थिए ।

अन्दाजी ३० वर्षीयाजस्तो देखिने महिलाको पहिचान खुलेको छैन । सुनसरी प्रहरी प्रमुख एसपी सुमनकुमार तिम्सिनाले शवको पहिचानको प्रयास भइरहेको जानकारी दिए । शव फेला परेको जानकारी पाउनसाथ घटनास्थलमा फरेन्सिक विज्ञसहितको प्राविधिक टोली र प्रहरी पुगेको थियो ।

प्रहरीले घटनाको अनुसन्धानमा तालिम प्राप्त कुकुरको समेत सहयोग लिएको छ । एसपी तिम्सिनाले पहिचानका लागि कोशी प्रदेशका सबैजसो प्रहरी युनिटमा हुलियासहित समन्वय भइरहेको बताए । घटनाको प्रकृति हेर्दा घाँटी कसेर हत्या गरेपछि लसुनेको रुखमुनि अडेसा लगाएर शव छाडेजस्तो देखिन्छ ।

इलाका प्रहरी कार्यालय धरान, जिल्ला प्रहरी कार्यालय सुनसरी र कोशी प्रदेश प्रहरी कार्यालय विराटनगरको संयुक्त टोलीले विभिन्न कोणबाट घटनाको अनुसन्धान गरिरहेको छ । शवलाई पोस्टमार्टमका लागि बीपी कोइराला स्वास्थ्य विज्ञान प्रतिष्ठान लगिएको छ ।

‘प्रारम्भिक अनुसन्धानबाट कर्तव्य गरेर मारेजस्तो देखिन्छ । गहिरै ढंगले अनुसन्धान गर्नुपर्ने अवस्थाको शव भेटिएको छ । सबै कोणबाट अनुसन्धान सुरु गरिएको छ,’ एसपी तिम्सिनाले भने । प्रहरीका अनुसार शव हेर्दा हत्या गरेको लामो समय भएजस्तो देखिँदैन ।

तपाइको प्रतिक्रिया
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
डिकवेलाको अविजित अर्धशतकमा लुम्बिनी लायन्स फाइनलमा
© 2024 Muluki Khabar. All Rights Reserved. Design & Develop By: Indesign Media Pvt. Ltd.