विराटनगरबाट चैतमा १० वटा मोटरसाइकल चोरी, दुई जना पक्राउ पर्दा ६ वटा भेटियो

Share this
739shares
मुलुकी खबर
मुलुकी खबर
clock२०८१ चैत २७, बुधबार १९:३७

विराटनगर । विराटनगरमा लगातार मोटरसाइकल चोरी गर्ने गिरोहलाई प्रहरीले पक्राउ गरेको छ । विराटनगरको सीमावर्ती क्षेत्रबाट मोटरसाइकल चोरी गर्दै गर्दा मंगलबार दुई जनालाई पक्राउ गरेको हो ।

प्रहरीका अनुसार दुई व्यक्तिले पछिल्लो ६ दिनमा ६ वटा मोटरसाइकल चोरी गरेका थिए । चैतमा मात्रै विराटनगरबाट १० वटा मोटरसाइकल चोरी भएको थियो । मंगलबार साझ दुई जना पक्राउ पर्दा चोरी भएको ६ वटा मोटरसाइकल फेला परेको मोरङ प्रहरी प्रवक्ता बेदप्रकाश जोशीले जानकारी दिए ।

प्रहरीले मोटरसाइकल चोरीमा संलग्न विराटनगर–१७ का २५ वर्षीय नौसाद अन्सारी र अर्का सोही वडाका १७ वर्षीय बालकलाई पक्राउ गरेको हो । प्रहरीले बुधबार पत्रकार सम्मेलन गर्दै उनीहरुलाई सार्वजनिक गरेको छ ।

डिएसपी जोशीका अनुसार पछिल्लो ६/७ दिनदेखि लगातार मोटरसाइकल चोरीको घटना बढेपछि विशेष निगरानी गर्ने क्रममा उनीहरु परेका हुन् । विराटनगर क्षेत्रको अस्पताल, पार्किङ स्थल, होटलको पार्किङ, अदालत, मालपोत कार्यालयलगायत भीडभाड हुने स्थानबाट मोटरसाइकल चोरी भएको थियो ।

गत मंसिर महिना अघिसम्म विराटनगरमा मोटरसाइकल चोरको गिरोह सक्रिय थियो । ‘मंसिरमा मोटरसाइकल चोरी गर्ने गिरोहका नाइके सुनसरीका नजाम अन्सारीलाई पक्राउपछि थुनामा गएपछि चोरीका घटनामा  कमी आएको थियो,’ डीएसपी जोशीले भने,‘अन्सारीले यहाँ मोटरसाइकल चोरी गर्ने र भारतमा लगेर बिक्री गर्नुका साथै केही पीडितहरुको नम्बर पत्ता लगाएर सम्पर्क गरी मोटरसाइकलको फिरौती रकम माग्ने र मागे अनुसारको रकम दिएपछि मोटरसाइकल फिर्ता गर्ने गरेका थिए ।’ अन्सारी चोरी तथा आपराधिक मुद्दामा कारागार चलान भएका छन् ।

त्यसपछि केही महिना चोरीका घटना भएको थिएन । चैतमा भने फेरि चोरीको घटना बढेको थियो । चैत २६ गते विराटनगर–७ स्थित अस्पताल चोकको एउटा कपडा पसल अगाडि पार्किङ गरेको मोरङ कटहरी–१ का दुलाचन्द पोद्दारको नाममा दर्ता भएको प्र.१–०२–०४१ प ३४० नम्बरको मोटरसाइकल चोरी गरी लैजाँदै गर्दा २ जना पक्राउ परेको मोरङ प्रहरी प्रमुख एसपी नारायणप्रसाद चिमरियाले बताए ।

मोटरसाइकलसहित उनीहरुलाई नियन्त्रणमा लिएर अनुसन्धान गर्ने क्रममा थप ५ गरी चोरी भएका ६ वटा मोटरसाइकल सीमा क्षेत्रबाट बरामद गरी ल्याइएको उनको भनाइ छ । पक्राउ परेकाहरु यसअघि पनि आपराधिक घटनामा संलग्न भएको खुलेको प्रहरीले जनाएको छ ।

समूहमा अरु पनि हुन सक्ने भएकाले खोजी तीव्र बनाइएको जानकारी एसपी चिमरियाले दिए । गत साउनदेखि मंसिरसम्ममा विराटनगरबाट ६० वटा मोटरसाइकल चोरी भएका थिए । ती मध्ये ४ वटा फेला परेको थियो ।

फागुनमा एउटा मोटरसाइकल चोरी भएको थियो । चैतमा मात्रै १० वटा मोटरसाइकल चोरी भएको थियो । चोरी भएकामध्ये ६ वटा फेला परेको चिमरियाले बताए । पक्राउ परेकाविरुद्ध चोरी तथा आपराधिक लाभअन्तर्गतको मुद्दा चलाउन अदालतबाट बुधबार म्याद थप गरेर अनुसन्धानको बाँकी प्रक्रिया अघि बढाइएको जानकारी चिमरियाले दिए ।

 

तपाइको प्रतिक्रिया
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
डिकवेलाको अविजित अर्धशतकमा लुम्बिनी लायन्स फाइनलमा
© 2024 Muluki Khabar. All Rights Reserved. Design & Develop By: Indesign Media Pvt. Ltd.