यू–१९ विश्वकप एसिया छनोट : नेपालको लगातार तेस्रो जित, हङकङ ९ विकेटले पराजित

Share this
713shares
मुलुकी खबर
मुलुकी खबर
clock२०८२ बैशाख ३, बुधबार १४:१०

काठमाडौं। आईसीसी यू–१९ विश्वकप एसिया छनोटमा नेपाल लगातार विजयी भइरहेको छ । नेपालले आज (बुधबार) तेस्रो जित निकालेको छ ।

नेपालले तल्लो मुलपानी क्रिकेट मैदानमा हङकङलाई ९ विकेटले सहजै पराजित गर्यो । हङकङले दिएको ११६ रनको सामान्य लक्ष्य नेपालले १ विकेट गुमाएर १२.३ ओभरमा पूरा गर्यो ।

ओपनर साहिल पटेल ४२ तथा कप्तान नरेन भट्ट ३९ रनमा नटआउट रहे । त्यसअघि निरज यादवले २३ रन बनाए । त्यसअघि टस हारेर पहिले ब्याटिङको निम्तो पाएको हङकङले ४६.२ ओभरमा अलआउट हुँदै ११५ रन बनाएको थियो ।

शिव माथुरले सर्वाधिक ६३ रन बनाए । आर्या पन्जवानीले १३ र वीर माथुरले १२ रन बनाएका थिए । सुरुवाती विकेट १० रनको योगफलमै गुमाएको हङकङका लागि माथुर र पन्जवानीले डिफेन्सिभ सटहरू खेल्दै अर्धशतकीय साझेदारी बनाए ।

६० रन जोड्दा दोस्रो विकेट गुमाएको हङकङ त्यसपछि निरन्तर विकेट गुमाइरहँदा सामान्य योगफलमै चित्त बुझाउन बाध्य भयो । नेपालका युवराज खत्रीले १० ओभरमा १८ रन मात्र दिएर ४ विकेट लिए । विपिनप्रसाद शर्माले ६.२ ओभरमा २४ रन दिएर ३ विकेट लिए । सन्तोष यादवले २ तथा अशोक धामीले १ विकेट लिए ।

नेपालले यसअघि यूएई र ओमानलाई हराएको थियो । अब नेपालले समूह चरणको अन्तिम खेलमा शनिबार अफगानिस्तानको सामना गर्नुपर्ने छ । अपराजित यात्रामा रहेको अफगानिस्तानले माथिल्लो मुलपानी क्रिकेट मैदानमा यूएईसँग आजै खेल्दै छ ।

पहिले ब्याटिङ गरेको अफगानिस्तानले ३५९ रनको विशाल योगफल खडा गरेको छ । यूएईलाई पराजित गरेमा अफगानिस्तानले आगामी शनिबार फाइनल खेलमा नेपालसँग प्रतिस्पर्धा गर्ने छ ।

तपाइको प्रतिक्रिया
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
डिकवेलाको अविजित अर्धशतकमा लुम्बिनी लायन्स फाइनलमा
© 2024 Muluki Khabar. All Rights Reserved. Design & Develop By: Indesign Media Pvt. Ltd.