
विराटनगर । सुनसरीको धरानबाट २६ वर्षीय वर्षीय राकेश परियार र २८ वर्षीय धर्मचन्द्र गिरी पक्राउ परेका छन् ।
दुवै जना धरान उपमहानगरपालिका–६ का हुन् । प्रहरी चोकी पानबारीबाट खटिएको टोलीले लागुऔषध ब्राउन सुगर (खैरो हेरोइन)सहित परियार र गिरीलाई पक्राउ गरेको हो ।
पक्राउ परेकाको साथबाट २ ग्राम ३ सय १० मिलिग्राम ब्राउन सुगर बरामद भएको सुनसरी प्रहरीका प्रवक्ता डीएसपी योगराज खतिवडाले बताए । उनका अनुसार पक्राउ परेकाविरुद्ध लागुऔषध ऐनअन्तर्गतको मुद्दा चलाउन म्याद थप गरेर अनुसन्धानको बाँकी प्रक्रिया अघि बढाइने छ ।

























