प्रधानमन्त्री ओलीद्वारा जम्मू–कस्मीर घटनाको भर्त्सना, आतंकवादविरुद्धको लडाइँमा ऐक्यबद्धता

Share this
713shares
मुलुकी खबर
मुलुकी खबर
clock२०८२ बैशाख १०, बुधबार ०९:०१

काठमाडौं । प्रधानमन्त्री केपी शर्मा ओलीले भारतको जम्मू–कस्मीरस्थित पहलगाममा भएको घटनाको निन्दा एवं भर्त्सना गरेका छन् ।

घटनाको भर्त्सना गर्दै उनले आतंकवादी आक्रमणमा परेर ज्यान गुमाएका सबैप्रीत समवेदना प्रकट गरेका छन् । प्रधानमन्त्री ओलीले आतंकवादविरुद्धको लडाइँमा भारतसँग दृढ ऐक्यबद्धतासमेत जनाएका छन् ।

यस्ता किसिमका सबै आतंकवादी कार्यहरूको उनले कडा भर्त्सना गरेका हुन् । आक्रमणमा नेपाली नागरिक परेको आशंकाका बारेमा सरकारले भारतीय पक्षसँग समन्वय गरिरहेको जानकारी प्रधानमन्त्री ओलीले दिए ।

ओलीले सामाजिक सञ्जाल एक्समा लेखेका छन्, ‘पहलगाममा भएको आतंकवादी आक्रमणमा परेका सबैप्रति गहिरो समवेदना प्रकट गर्दछौं। नेपालले भारतसँग दृढ ऐक्यबद्धता जनाउँछ र सबै किसिमका आतंवादी कार्यहरूको कडा निन्दा गर्दछ।’

उनले भनेका छन्, ‘आक्रमणमा नेपाली नागरिक परेको आशंका सम्बन्धी रिपोर्टहरूका बारेमा नेपाल सरकार भारतीय पक्षसँग समन्वयमा रहेको छ । पीडितमध्ये १नेपाली नागरिक हुन सक्ने रिपोर्टबारे प्रमाणीत गर्न नजिकबाट समन्वय भइरहेको छ र आवश्यक सम्पूर्ण सहायता उपलब्ध गराइनेछ।’

यसैबीच, उक्त आतंकवादी हमलामा निर्दोष पर्यटकहरू मारिएको घटनाको नेपाल सरकारले समेत कडा शब्दमा निन्दा गरेको छ । परराष्ट्र मन्त्रालयले आज (बुधबार) एक विज्ञप्ति जारी गर्दै शोकसन्तप्त परिवारहरूप्रति गहिरो समवेदना तथा घाइतेहरूको शीघ्र एवं पूर्ण स्वास्थ्यलाभको कामना गरेको छ ।

‘नेपाल दुःखको यो घडीमा भारत सरकार र त्यहाँका जनतासँग दृढ ऐक्यबद्धता प्रकट गर्दछ । नेपाल सबै प्रकारका आतंकवादको निन्दा गर्दछ । यो हाम्रो दृढ अडान हो । आतंकवादका यस्ता जघन्य कार्य सर्वदा अनुचित छन्,’ मन्त्रालयको विज्ञप्तिमा भनिएको छ ।

भारतीय सञ्चारमाध्यमहरूका अनुसार आतंकवादी हमलामा परेर २७ जनाको मृत्यु भएको छ । मृतकको संख्या बढ्नसक्ने अनुमान गरिएको छ । आक्रमणमा ३६ जनाभन्दा बढी घाइते भएको दाबी गरिएको छ ।

जम्मू–कश्मीरमा नेपालीसहित २७ जना मारिए

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.