भिजिट भिसामा कुवेत जान लागेका ४७ महिला दिल्लीबाट फर्काइए

Share this
683shares
मुलुकी खबर
मुलुकी खबर
clock२०८२ साउन १२, सोमबार १६:०७
सांकेतिक तस्बिर

विराटनगर । भिजिट भिसामा कुवेत जान लागेका ४७ महिलालाई भारतबाट फर्काइएको छ ।

भारतको राजधानी नयाँ दिल्लीस्थित अन्तर्राष्ट्रिय विमानस्थलबाट उनीहरूलाई नेपाल फर्काइएको हो ।

उनीहरू दिल्ली विमानस्थलबाट एनओसीबिनै कुवेत जान लागेका थिए ।

विमानस्थलबाट दिल्लीस्थित नेपाली दूतावाससँगको समन्वयमा नियन्त्रणमा लिई स्थलमार्ग हुँदै बिहीबार राति रुपन्देही पुर्याइएसकिएको छ ।

दिल्लीस्थित नेपाली दूतावासमा कार्यरत प्रहरी वरिष्ठ उपरीक्षक प्रकाश मल्लसहित दूतावासका कर्मचारीको टोलीले महिलाहरूलाई सुनौली नाका हुँदै रुपन्देही पुर्याएर प्रशासनको जिम्मा लगाएको रुपन्देहीका प्रमुख जिल्ला अधिकारी बासुदेव घिमिरेले जानकारी दिए ।

घिमिरेका अनुसार महिलाहरूलाई प्रहरीले काठमाडौँ लैजाँदैछ ।

गृहमन्त्री रमेश लेखकले नियन्त्रणमा भएका महिलाहरूको विषयमा कडा अनुसन्धान गर्न प्रहरीलाई निर्देशन दिएका छन् ।

उक्त विषयमा गृहमन्त्री लेखकले मानव बेचबिखन ब्युरोलाई आवश्यक छानबिन गरी दोषीलाई कारबाहीको दायरामा ल्याउन निर्देशन दिएको गृह मन्त्रालयले जनाएको छ ।

मन्त्री लेखकले वैदेशिक रोजगारीमा अवैध रुपमा जाने विषयको गहन अनुसन्धान गर्न निर्देशन दिएका हुन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.