‘कविताले बोलेको कुरा समयको एउटा चित्र पनि हो’

Share this
754shares
मुलुकी खबर
मुलुकी खबर
clock२०८२ साउन ३१, शनिबार १५:५४

विराटनगर । मोरङको रंगेलीका रमेशचन्द्र अधिकारी आफ्नै भौगोलिक क्षेत्रमै रहेर साहित्य क्षेत्रमा सक्रिय छन् । उनका कृतिहरूमा २०७१ मा प्रकाशित ‘आमाको माया’ (सचित्र बाल चित्रकथा), २०८२ मा संयुक्त कृति ‘नेपाली निबन्धमाला’ र ‘बाल निबन्ध संग्रह’ तथा सम्पादित कृति ‘काव्यारोहण’ समावेश छन् । भर्खरै ‘माझीहाडम’ कविता संग्रह विमोचन गरेका उनले मुलुकी खबरकर्मी सुजता लिम्बूसँग आफ्नो सिर्जनाबारे अनुभव साझा गरेका छन् ।

१. ‘माझीहाडम’ शीर्षक रोज्नुको अर्थ र प्रेरणा के थियो ?

– माझीहाडम पूर्वी तराईको झापा र मोरङमा बसोबास गर्ने सन्थाल समुदायको मुखिया हो । संस्कृतिमा अत्यन्तै धनी यो जातिको संस्कृतिलाई विम्ब बनाएर कविता लेखेको थिएँ । पुस्तक प्रकाशक रेड पान्डा बुक्सलाई यही शीर्षक उपयुक्त लागेको भएर मैले पनि सहमति जनाएँ । यद्यपि, म आफू बाँचेको भूगोलमा यही समुदायको बस्ती छ ।

२. बाल्यकालका स्मृतिबाट सुरु भएर वेदनामा पुग्ने कविताको यात्रा किन रोज्नुभयो ?

– बाल्यकाल जीवनकै सबैभन्दा सुन्दर कालखण्ड हो । झल्याकझुलुक आइरहने सम्झनाहरु साँच्चिकै राम्रा हुन्छन् । मैले केही मात्रै यस्ता कविता राखेको छु । तर, तपाईंले भनेकै जस्तो चाहिँ छैनन् कविताहरु ।

३. कवितामा समय र सरलतको भावलाई कसरी मिलाउनु भयो ?

– कविता भनेको कविता नै हो । र हुनु पनि पर्छ । समयसँगै सरल भएर बग्न सक्ने बन्नु पनि कविताको सबल पक्ष हो भन्ने मेरो बुझाइ छ । मिलाएको भन्दा पनि मिलेर आएको चाहिँ हुनसक्छ । कविताले बोलेको कुरा समयको एउटा चित्र पनि हो जस्तो लाग्छ । त्यसैले मैले बाँचेको समय कवितामा आउन सकेको हुन सक्छ ।

४. मधेशी आदिवासी शब्दलाई शीर्षकमा राख्नुको सांस्कृतिक महत्व के हो ?

– अहिले संस्कृति वा संस्कारजन्य कुराहरू सजीव छन् भने त्यो आदिवासी, जनजाति , मधेशी आदि समुदायहरुसँगै बढी छ भन्ने मेरो आफ्नो बुझाइ हो । जो, जहाँ, जे भएर बाँचे पनि राष्ट्रियता त एकै हो । मलाई सांस्कृतिक कुराहरूले पनि तान्छन् । र यसरी नै आदिवासी संस्कृतिलाई विम्ब बनाउने रहर लागेको हो सायद ।

५. कवितामा देखिने वेदना व्यक्तिगत अनुभव हो कि सामूहिक ?

– कविलाई लागेको कुरा सर्वप्रथम त व्यक्तिगत पनि हो । तर, त्यो सबै या सधैं व्यक्तिगत मात्रै रहिरहँदैन । समालोचकीय दृष्टिकोणले हेर्दा त्यो समाजको अथवा सामूहिक पनि हुनसक्छ । कविताले बोलेको कुरा समयको एउटा चित्र पनि हो ।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.