
काठमाडौं । नेपाल नागरिकता (दोस्रो संशोधन) विधेयक, २०८१ राष्ट्रियसभाबाट पारित भएको छ।
राष्ट्रियसभाको शुक्रबार बसेको बैठकले विधेयक सर्वसम्मतिले पारित गरेको हो । बैठकमा राष्ट्रियसभा अध्यक्ष नारायणप्रसाद दाहालले विधेयकको व्यवस्थापन समितिको प्रतिवेदन र प्रतिनिधिसभाबाट प्राप्त सन्देशसहित पेस गरिएको विधेयक पारित भएको घोषणा गरे ।
यस संशोधनले नेपालको नागरिकता सम्बन्धी कानुनमा केही महत्वपूर्ण परिवर्तन गर्ने अपेक्षा गरिएको छ। विधेयक पारित भएसँगै अब सम्बन्धित प्रावधानहरू लागू भएर नागरिकता प्राप्तिको प्रक्रिया अझ स्पष्ट र व्यवस्थित हुने बताइएको छ ।
विशेषज्ञहरूले संशोधनलाई कानुनी र प्रशासनिक दृष्टिले सकारात्मक कदमको रूपमा मूल्यांकन गरेका छन् । नागरिकता वितरणमा हुने अस्पष्टता र प्रक्रियागत चुनौतीहरू कम हुने विश्वास व्यक्त गरिएको छ ।
राष्ट्रियसभाबाट विधेयक पारित भएपछि यसले प्रतिनिधिसभाबाट अन्तिम रूपमा अनुमोदन प्राप्त गर्ने प्रक्रिया बाँकी छ । पारित विधेयकले आमाको नाममा सर्तसहित नागरिकता जारी हुन सक्ने प्रावधान रहेको छ ।

























