कस्ताे छ आजकाे माैसम ?

Share this
688shares
मुलुकी खबर
मुलुकी खबर
clock२०८२ भदौ ८, आइतबार ०६:१६

काठमाडौं । देशका थोरै स्थानमा आज (भदौ ८) ‘भारी’ वर्षाको सम्भावना रहेको मौसम पूर्वानुमान महाशाखाले जनाएको छ । तराईका कतिपय स्थानमा हावाहुरीको सम्भावना छ ।

हाल मनसुनको न्यूनचापीय रेखा सरदर स्थानको आसपास अवस्थित छ । बंगालको खाडीबाट भित्रिएको जलवाष्पयुक्त हावाको पनि देशमा प्रभाव रहेको महाशाखाले जनाएको छ ।

आज बागमती, गण्डकी, कर्णाली, सुदूरपश्चिम प्रदेशसहित देशका पहाडी भू–भागका केही स्थानमा ‘मध्यम’ वर्षाको सम्भावना छ । बाँकी तराईका भू–भागका थोरै स्थानमा पनि मध्यम वर्षाको सम्भावना रहेको महाशाखाले जनाएको छ ।

मधेस प्रदेश, कोशी प्रदेश र लुम्बिनी प्रदेशको तराई भू–भागमा हावाहुरीको पनि सम्भावना रहेको छ ।

आज राति  कोशी, मधेस, बागमती, गण्डकीसहित देशका बाँकी पहाडी भू–भागका थोरै स्थानमा मध्यम वर्षाको सम्भावना छ । बाँकी तराई भू–भागका एक–दुई स्थानमा पनि मध्यम वर्षाको पूर्वानुमान छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.