मोरङको लक्ष्मीमार्गमा सवारी दुर्घटना हुँदा प्रहरी हवल्दारको मृत्यु

Share this
746shares
मुलुकी खबर
मुलुकी खबर
clock२०८२ असोज २०, सोमबार १०:१५
सांकेतिक तस्बीर

विराटनगर । मोरङको बेलबारी नगरपालिका–११ लक्ष्मीमार्गस्थित पूर्व–पश्चिम राजमार्गमा सवारी दुर्घटनामा एक प्रहरी सहायक हवल्दारको मृत्यु भएको छ ।

असोज १९ गते साँझ करिब ६ः३० बजेको समयमा पूर्वबाट पश्चिमतर्फ जाँदै गरेको एम्बुलेन्स (मे १ च १९७८) र विपरीत दिशाबाट आउँदै गरेको मोटरसाइकल (प्रदेश १–०२–०४७ प ६९२२) एकआपसमा ठोक्किँदा मोटरसाइकल चालक प्रहरी  सहायक हवल्दार सुरेन्द्र सुब्बा लिम्बु गम्भीर घाइते भएका थिए ।

झापा प्रहरी कार्यालयमा कार्यरत लिम्बु मोरङकाे केराबारी गाउँपालिका–२ का बासिन्दा हुन् ।

उनलाई उपचारका लागि बिराटनगरस्थित नोबेल अस्पताल पुर्‍याइए लगत्तै चिकित्सकले मृत घोषणा गरेका थिए ।

एम्बुलेन्स चालक झापा दमक नगरपालिका–९ का ४१ वर्षीय विष्णु प्रसाईलाई प्रहरीले नियन्त्रणमा लिएर आवश्यक अनुसन्धान सुरु गरेको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.