
विराटनगर । अविरल वर्षासँगै आएको बाढीपहिरोका कारण कोशी प्रदेशमा अवरुद्ध भएको सडकहरु अझै खुल्न सकेको छैन ।
विपदका कारण ८ स्थानमा सडक अवरुद्ध भएको छ ।
इलाममा मेची राजमार्गको १ ठाउँ, भोजपुरमा मध्यपहाडी लोकमार्गका ३ ठाउँ, संखुवासभामा कोशी राजमार्गका २ ठाउँ, धनकुटामा तमोर करिडोरको १ ठाउँ र खोटाङमा दिक्तेल गाईघाट सडक खण्डको १ ठाउँमा सडक अवरुद्ध छन् । जसले गर्दा उक्त क्षेत्रको आवागमन ठप्प भएको छ ।
विपदका कारण कुल ४६ जनाको मृत्यु भएको । १ जना बेपत्ता छन् ।
सबैभन्दा बढी मानवीय क्षति इलाम जिल्लामा भएको छ, जहाँ ३९ जनाको ज्यान गएको छ । यसबाहेक, पाँचथरमा २, मोरङमा १, सुनसरीमा १, उदयपुरमा २, खोटाङमा १ र भोजपुरमा १ जनाको मृत्यु भएको छ । पाँचथरमा दुर्घटनामा परी ६जनाको मृत्यु भएको थियो ।

























