
विराटनगर । संखुवासभाको सभाखोलाले बगाउँदा एक जना युवकको मृत्यु भएको छ ।
चैनपुर नगरपालिका–११ स्थित सभाखोलाले बगाउँदा धनकुटा छथर जोरपाटी गाउँपालिका–२ का २६ वर्षीय मिङमा शेर्पाको मृत्यु भएको प्रहरीले जनाएको छ ।
प्रहरीका अनुसार शुक्रबार राति सभाखोलामा हात धुने क्रममा शेर्पालाई खोलाले बगाएको थियो ।
घटनाको जानकारी प्राप्त भएपछि इलाका प्रहरी कार्यालय चैनपुर र अस्थायी प्रहरी चौकी सभाखोलाको टोलीले खोजी कार्य सुरु गरेको थियो ।
खोजीका क्रममा शेर्पाको शव फेला पारेको प्रहरीले जनाएको छ । घटनाबारे थप अनुसन्धान सुरु गरेको प्रहरीले जनाएको छ























