राज्यले उपेक्षा गर्दा पछि पर्याे मुसहर समुदाय

Share this
784shares
मुलुकी खबर
मुलुकी खबर
clock२०८२ मंसिर १८, बिहीबार १८:३३

विराटनगर । राज्यले उपेक्षा गर्दा मुसहर समुदाय सामाजिक हिसाबले पछाडि परेको मुसहर समुदायका अगुवाहरुले बताएका छन् । नेपालका मूलबासी भएपनि राज्य र उच्च वर्गले शोषण गरेका कारण पछि परेको बताएका हुन् ।

उच्च शिक्षा अध्ययनरत विद्यार्थीको सम्मान कार्यक्रममा बोल्दै मुसहर समुदायका अगुवा नेपाल राष्ट्रिय मुसहर संघ कोशी प्रदेशका सल्लाहकार गंगा सदाले राज्य र समाजले उपेक्षा गर्दा आफ्नो समुदाय खोला किनार र ऐलानी जग्गमा बस्न बाध्य भएको बताए ।

मुसहर समुदायकी अभियन्ता सुस्मीता ऋषिदेवले मुसहर समुदायका महिलाहरुको अवस्था नाजुक रहेको बताइन् । कम उमेरमा विवाह हुने गरेको, शिशु मृत्युदर बढी रहेको, सुरक्षित अवासको अभावमा समस्या झेल्नु परेको उनले बताइन् ।

राष्ट्रिय मुसहर संघका कोशी प्रदेश अध्यक्ष राजु ऋषिदेवले सरकारले मुसहर समुदायको लागि मुसहर आयोग निर्माण गर्नुपर्ने बताए ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.