विश्वकप लिग–२ : आज नेपालले ओमनसँग खेल्ने

Share this
769shares
मुलुकी खबर
मुलुकी खबर
clock२०८१ असोज २, बुधबार ०७:४०

विराटनगर । आइसिसी विश्वकप लिग– २ मा आज नेपालले आज ओमानसँग खेल्दैछ । लिग २ का लागि क्यानडा भ्रमणमा रहेको नेपाली टोलीको खेल बेलुकी ७ः४५ बजे खेल सुरू हुनेछ।

क्यानडा भ्रमणमा नेपालको यो दोस्रो खेल हो, पहिलो खेलमा मंगलबार घरेलु टोली क्यानडासँग १०३ रनको फराकिलो रनले पराजित भएको थियो ।

विश्वकप लिग – २ मा नेपालले खेलेको पाँच खेलमध्ये नेपालले एउटा मात्रै जित निकालेको छ । गत फेब्रुअरीमा घरेलु मैदानमा नामबिया र नेदरल्यान्ड्सबिरुद्धको चार खेल मध्ये नेपाल तीन खेलमा पराजित भएको थियो ।

नेपाल ओमानको चिर परिचित प्रतिद्वन्द्वी हो। ओमानसँग पछिल्लो पाँच भेटमा नेपालले तीन खेल जित्दा २ खेल हारेको थियो ।

नेपालले सिरिजको तेस्रो खेल असोज ६ गते पुनः क्यानडासँग र असोज ८ गते पुनः ओमानसँग खेल्नेछ।

एकदिसवीय सिरिजपछि असोज १२ गते क्यानडामै नेपालले त्रिकोणात्मक टी– २० सिरिज खेल्नेछ।

त्रिकोणात्मक टी– २० सिरिज खेलेपछि नेपाली टोली अमेरिका भ्रमणमा जानेछ । अमेरिकामा नेपाल, अमेरिका र स्कटल्यान्डबीच खेल हुनेछ ।

अमेरिका भ्रमणमा पनि नेपालले लिग– २ को त्रिकोणात्मक सिरिज र टी– २० त्रिकोणात्मक सिरिज गरी दुई सिरिज खेल्नेछ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.