८ वर्षपछि भयो दीक्षान्त समारोह, बीपी प्रतिष्ठानले यसरी दियो जानकारी

विराटनगर । सुनसरीको धरानस्थित बीपी कोइराला स्वास्थ्य विज्ञान प्रतिष्ठानले भर्खरै सम्पन्न १३ औं दीक्षान्त समारोहको विस्तृत विवरण सार्वजनिक गरेको छ ।

प्रतिष्ठानका सहप्रवक्ता डा. अभिजीत कुमारले बिहीबार एक विज्ञप्ति जारी गर्दै दीक्षान्त समारोह भव्य रूपमा सम्पन्न भएको जानकारी दिएका हुन् । उनका अनुसार प्रधानमन्त्री एवं प्रतिष्ठानका कुलपति केपी शर्मा ओली र स्वास्थ्य तथा जनसंख्यामन्त्री प्रदीप पौडेलको उपस्थितिमा दीक्षान्त समारोह भएको हो ।

उच्च शिक्षा हासिल गरेका विद्यार्थीहरुलाई दीक्षित गर्न प्रतिष्ठानबाट वार्षिक रुपले दीक्षान्त समारोह आयोजना हुनुपर्ने हो । तर, अनेक लफडा र विवादमा फस्दै आएको प्रतिष्ठानले ८ वर्षसम्म दीक्षान्त समारोह गर्न सकेन ।

सन् २०१६ मा १२ औं दीक्षान्त समारोह भएको थियो । त्यसपछि अर्को समारोह हुन ८ वर्ष लाग्यो । प्रतिष्ठानका पदाधिकारीको अथक प्रयासमा कात्तिक २६ गते दीक्षान्त समारोह भव्यरूपमा सम्पन्न भएको सहप्रवक्ता डा. अभिजीत कुमारले बताए । उनका अनुसार भारतका प्रा.डा. ज्योतिर्मोय पँल समारोहका प्रमुख अतिथि थिए ।

यस्तो छ दीक्षान्त समारोहको विस्तृत विवरण