विराटनगरमा भाडाको कोठामा तस्करीको कपडा, प्रहरीले हान्यो छापा

Share this
760shares
मुलुकी खबर
मुलुकी खबर
clock२०८१ मंसिर ९, आइतबार २२:०५
फायल फोटो ।

विराटनगर । विराटनगरमा कोठा भाडामा लिएर तस्करीको कपडा भण्डारण गर्ने गरेको पाइएको छ ।

मोरङ प्रहरी प्रमुख एसपी नारायणप्रसाद चिमरियाले विराटनगरकै व्यक्तिले विराटनगर बजारभित्र कोठा भाडामा लिएर भन्सार छलीका कपडा राख्ने गरेको पत्ता लागेको जानकारी दिए । उनका अनुसार भारतबाट अवैध हिसाबले भित्राइएको कपडा भण्डारणस्थलमा प्रहरीले आइतबार अपरान्ह छापा हानेको छ ।

मोरङ प्रहरीका प्रवक्ता डीएसपी वेदप्रकाश जोशी नेतृत्वको टोलीले अपरान्ह ४ः३० बजेतिर छापा हानेर १३ पोका अवैध कपडा बरामद गरेको छ । प्रहरीका अनुसार ४ वटा ठूला बोरा छन् भने ९ वटा साना पोका छन् ।

विराटनगर महानगरपालिका–१५ का अन्दाजी ३५/४० वर्षीय आनन्दकुमार साहले विराटनगर–२ स्थित बद्री ढकालको घरको कोठा भाडामा लिएर तस्करीका कपडा राख्ने गरेको प्रहरीले जनाएको छ । प्रहरीले छापा हानेको थाहा पाएपछि साह फरार भएका छन् ।
उनको खोजी भइरहेको जानकारी प्रहरीले दिएको छ ।

प्रहरीका अनुसार कोठाभित्र कुर्ता सुरुवाललगायतका कपडा मात्रै थियो । साहले कहिलेदेखि कोठा भाडामा लिएका हुन् र भाडाबापत कति रूपैयाँ तिर्ने गरेका थिए भनेर खुलेको छैन । बरामद भएका कपडाका पोका जिल्ला प्रहरी कार्यालयमा लगेर राखिएको छ ।

कपडाको मूल्य खुल्न सकेको छैन । अन्दाजी १० लाख रूपैयाँ बराबरको हुनसक्ने प्रहरीको अनुमान छ । प्रहरीका अनुसार पोका खोलेर मूल्यांकन गरेपछि मात्रै मूल्य यकिन हुन्छ ।

यस विषयमा थप अनुसन्धान भइरहेको र बरामद भएको कपडा आवश्यक कारबाहीका लागि विराटनगर भन्सार कार्यालयमा बुझाइने एसपी चिमरियाले बताए । प्रारम्भिक अनुसन्धानबाट तस्करीकै कपडा राख्नका लागि मात्रै कोठा भाडामा लिएको पाइएको उनको भनाइ छ ।

 

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.