सांकेतिक तस्बीरविराटनगर । मोरङको ग्रामथान गाउँपालिका–२ झोराहाटमा मोटरसाइकल दुर्घटना हुँदा दुई जना मृत्यु भएको छ ।
आज बिहानको राति करिब १ बजे झोराहाट चौक स्थित नहरको पुलमा मोटरसाइकल ठोक्किएर दुर्घटना भएको थियो ।
दुर्घटनामा परी कटहरी गाउँपालिका– १ का २२ वर्षीय आशिक मरिक र ४५ वर्षीय उमेश मरिकको मृत्यु भएको हो । प्रहरीका अनुसार उनीहरु बुबाछोरा हुन् ।
प्रहरीका अनुसार प्रदेश१–०४–००२प १९०१ नम्बरको मोटरसाइकल आशिकले चलाएका थिए । तिब्रगतिमा रहेको मोटरसाइकल आफै घिनाघाट–विराटचोक सडक खण्डको नहरकाे पुलमा ठोक्किएको थियो ।
दुर्घटनामा गम्भीर घाइते भएकालाई प्रहरीले विराट नर्सिङहोम पठाएको थियो । अस्पतालमा उपचारका क्रममा राति नै उनीहरुको मृत्यु भएको हो ।

























