
विराटनगर । नेपाल विद्युत् प्राधिकरणले ९५० भन्दा बढी कर्मचारी माग गरेको छ ।
आज शुक्रबार सूचना जारी गर्दै पाँचौंदेखि दसौँ तहसम्म ठूलो संख्यामा कर्मचारी माग गरेको हो । प्रशासन र प्राविधिकतर्फ विभिन्न पदमा ९५३ जना कर्मचारी माग गरिएको छ ।
प्रशासकीय अधिकृत, कानुन अधिकृत, लेखा अधिकृत, चार्टर्ड एकाउन्टेन्ट, इलेक्ट्रिकल इन्जिनियर, इन्जिनियर, मिटररिडिङ सुपरभाइजर, लेखापाल, सुपरभाइजर, सिनियर कम्युनिकेसन इक्विपमेन्ट अपरेटर, सुपरभाइजरलगायतका पदका लागि विज्ञापन गरेको हो ।
योग्यता पुगेका इच्छुक नेपाली नागरिकले पुष २५ गतेसम्म आवेदन दिन सक्नेछन् ।


























