
विराटनगर । मोरङको लेटाङमा पैनीमा डुबेको अवस्थामा एक जनाको शव फेला परेको छ ।
बिहीबार अपरान्ह लेटाङ नगरपालिका– २ बुधबारेका ५९ वर्षीय नरपती ढकाल स्थानीय पैनीमा डुबेको अवस्थामा मृत फेला परेका हुन् ।
घरबाट करिब ३० मिटर दक्षिण तर्फ रहेको पैनीमा डुबेको अवस्थामा शव फेला परेको प्रहरीले बताएको छ ।
प्रहरीका अनुसार मदिरा सेवन गरी हिडेका उनी लडेर पैनीमा डुबेको हुनसक्छ । मृत भेटिएपछि घटनाको अनुसन्धान सुरु गरेको प्रहरीले जनाएको छ ।
पैनीमा घोप्टो परेर लडेको देखेपछि आफन्तले उद्दार गरी प्राथमिक स्वास्थ्य केन्द्र लेटाङमा लगेका थिए । स्वास्थ्य केन्द्र पुर्याएलगतै चिकित्सकले उनलाई मृत घोषित गरेका थिए ।

























