इन्जिनियरविरुद्ध पौने ५ करोडको भ्रष्टाचार मुद्दा

Share this
765shares
मुलुकी खबर
मुलुकी खबर
clock२०८१ पुस २८, आइतबार १५:१७

काठमाडौं । पौने ५ करोड रूपैयाँभन्दा बढी भ्रष्टाचार गरेको अभियोगमा जलस्रोत तथा सिँचाइ विभाग र त्यसअन्तर्गतका विभिन्न कार्यालयका तत्कालीन इन्जिनियरविरुद्ध मुद्दा दायर भएको छ ।

अख्तियार दुरुपयोग अनुसन्धान आयोगले तत्कालीन इन्जिनियर विष्णुकुमार श्रेष्ठविरुद्ध विशेष अदालतमा मुद्दा दायर गरेको हो । सिँचाइ तथा जल उत्पन्न प्रकोप नियन्त्रणका नाममा निर्माण हुने संरचनाबाट ठेकेदारसँग मिलेमतो गरी ४ करोड ८८ लाख ३० हजार ३ सय २९ रूपैयाँ गैरकानुनी रुपमा आर्जन गरेको आरोप श्रेष्ठमाथि लागेको छ ।

श्रेष्ठले काठमाडौं, ललितपुरलगायत विभिन्न स्थानमा घर–घडेरी, जग्गा, गाडी खरिद तथा विभिन्न कम्पनीको सेयरमा लगानी गरेको र विभिन्न व्यक्तिको नाममा समेत जग्गाजमिन र चलअचल सम्पत्ति लुकाउँदै स्रोत नखुलेको गैरकानुनी सम्पत्ति आर्जन गरेको आयोगका प्रवक्ता नरहरि घिमिरेले जानकारी दिए । उनका अनुसार सार्वजनिक सेवा प्रवेश गरेको मिति २०४६ असार ३० देखि २०७७ असार ३१ सम्ममा श्रेष्ठको वैधानिक कमाइ ११ करोड २५ लाख ६५ हजार १ सय ९९ रुपैयाँ देखिन्छ ।

तर, उक्त अवधिमा उनले १६ करोड १३ लाख ९५ हजार ५ सय २८ रूपैयाँ कमाइ गरेको देखिने अख्तियारले जनाएको छ । उनले सार्वजनिक सेवामा रहँदा गरेको अवैध कमाइ वैधानिक रुपमा कमाएको रकमभन्दा ४ करोड ८८ लाख ३० हजार ३ सय २९ रूपैयाँ बढी देखिने घिमिरेले बताए ।

श्रेष्ठले सार्वजनिक पदमा रहँदा अख्तियारको दुरुपयोग गरी गैरकानुनी रुपमा आर्जन गरेको सम्पत्ति र त्यसबाट बढे बढाएको सम्पत्तिसमेत पत्नी लक्ष्मीकुमारी श्रेष्ठ, बुवा हरिकुमार श्रेष्ठ, आमा इन्दकुमारी श्रेष्ठ र छोरा विवेक श्रेष्ठसमेतको नाममा राखेको अख्तियारको अनुसन्धानबाट पत्ता लागेको छ । अवैध तरिकाले आर्जन गरेको सम्पत्ति जफत गर्न परिवारका सदस्यलाई समेत प्रतिवादी बनाएर अभियोग पत्र दायर गरिएको अख्तियारले जनाएको छ ।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.