सुनसरीको नडाह जंगलमा न्यायाधीश सवार सरकारी कार दुर्घटना

Share this
657shares
मुलुकी खबर
मुलुकी खबर
clock२०८१ माघ १, मंगलबार १९:५१

विराटनगर । मदन भण्डारी राजमार्गअन्तर्गत सुनसरीको बराहक्षेत्र नगरपालिका–३ नडाह जंगलमा न्यायाधीश सवार सरकारी कार दुर्घटनामा परेको छ ।

उच्च अदालत पाटनका न्यायाधीश ५४ वर्षीय नारायण रेग्मी तथा उनका परिवारका सदस्य र नेतादार सवार बी एबी ७१४६ नम्बरको कार मंगलबार साँझ ५ः१० बजेतिर दुर्घटनामा परेको हो । रेग्मीको घर विराटनगर महानगरपालिका–४ मा पर्छ । दुर्घटनामा न्यायाधीश रेग्मी र उनका भिनाजु इलामको देउमाई नगरपालिका–४ का ६१ वर्षीय कृष्ण खनाल घाइते भएका छन् ।

घाइते दुवै जनाको विराटनगरस्थित नोबेल शिक्षण अस्पतालमा उपचार भइरहेको छ । अस्पतालका अनुसार रेग्मीको अवस्था मध्यम छ । छात्ती र टाउकोमा चोट रहेका उनी बोल्न सक्ने अवस्थामा छन् ।

खनालको अवस्था भने गम्भीर रहेको उपचारमा संलग्न एक चिकित्सकले बताए । उनका अनुसार खनाल बोल्न सक्ने अवस्थामा छैनन् । अमेरिकामा बस्दै आएका खनाल सोमबार मात्रै नेपाल आएको पारिवारिक स्रोतले बतायो ।

कारमा न्यायाधीश रेग्मी र खनाल तथा रेग्मीका छोरा २७ वर्षीय निश्चल र छोरी २० वर्षीया भूमिका रेग्मी एवं चालकसमेत गरेर ५ जना सवार थिए । कार दुर्घटनामा परे पनि निश्चल र भूमिका तथा चालक सकुशल छन् ।

काठमाडौंबाट विराटनगरतर्फ आउँदै गरेको कार दुर्घटनामा परेको कोशी प्रदेश प्रहरी कार्यालय विराटनगरले जनाएको छ । ‘उत्तरबाट दक्षिणतर्फ आउँदै गरेको कार दुर्घटनामा परेको हो,’ कार्यालय स्रोतले भन्यो, ‘आफैं अनियन्त्रित भएर जंगलभित्रको सडकबाट करिब ३ मिटरजति तल झरेको पाइयो ।’

कार्यालयका अनुसार चालकले ‘ब्रेक’ लगाउने क्रममा अनियन्त्रित भएर कार पल्टिएको प्रारम्भिक अनुसन्धानबाट खुलेको छ । कार चालक भक्तपुरको भक्तपुर नगरपालिका–५ घर भएका ५४ वर्षीय कृष्णमान खोटेजालाई प्रहरीले नियन्त्रणमा लिएको छ ।

प्रहरी नियन्त्रणमा रहेका चालक खाटेजाले पनि आफूलाई ढाडमा समस्या भइरहेको बताएका छन् । घटनाको अनुसन्धान सुरु गरिएको प्रदेश प्रहरी कार्यालय विराटनगरले जनाएको छ । दुर्घटनामा परेर सरकारी कार भने क्षतिग्रस्त बनेको छ ।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.