
काठमाडौं । मुलुकभर पश्चिमी न्यून चापीय प्रणालीको आंशिक प्रभाव रहेको जल तथा मौसम पूर्वानुमान महाशाखाले जनाएको छ ।
मौसम प्रणालीका कारण आज (शुक्रबार) दिनभर देशभरको मौसम आंशिकदेखि साधारणतया बदली रहने पूर्वामानुमान गरिएको छ । महाशाखाका अनुसार अहिले कोशी, बागमती र मधेससहितका प्रदेश तथा देशका पहाडी भू–भागमा आंशिक बदली रही बाँकी भू–भागमा मौसम मुख्यतया सफा रहेको छ ।
तराईका केही भू–भागमा बाक्लो हुस्सु लागेको छ । केही ठाउँमा हुस्सु र कुहिरो सामान्य छ । आज दिउँसो कोशी, मधेश र बागमती प्रदेशमा आंशिक बदली रहने अनुमान गरिएको छ । कर्णाली र सुदूरपश्चिम प्रदेशमा मौसम मुख्यतया सफा रहने महाशाखाले जनाएको छ ।

























