
काठमाडौं । मुलुकभर पश्चिमी न्यून चापीय प्रणालीको प्रभाव कायमै रहेको छ । देशभरको मौसममा आज (सोमबार) बिहान आंशिकदेखि साधारणतया बदली रहने मौसम पूर्वानुमान महाशाखाले जनाएको छ ।
तराईका केही स्थानमा बिहान सामान्य हुस्सु लागेको छ । महाशाखाका अनुसार दिउँसो कर्णाली र सुदुरपश्चिम प्रदेशको हिमाली र पहाडी क्षेत्रमा आंंशिक बदली रहने सम्भावना छ । तराईमा मुख्यतयाः सफा रहने पूर्वानुमान छ ।
राति भने कर्णाली र सुदुरपश्चिम प्रदेशको हिमाली तथा पहाडी क्षेत्रमा आंंशिक बदली रहने अनुमान गरिएको छ । तराईमा भने मौसम सफल रहने पूर्वानुमान छ ।
कर्णाली प्रदेश र सुदूरपश्चिम प्रदेशका केही स्थानहरूमा हल्कादेखि मध्यम वर्षाका साथै गण्डकी प्रदेश र लुम्बिनी प्रदेशका पहाडी भू–भागका एक दुई स्थानमा हल्का वर्षाको सम्भावना रहेको महाशाखाले जनाएको छ।
कर्णाली प्रदेश र सुदूरपश्चिम प्रदेशका उच्च पहाडी तथा हिमाली भू–भागका धेरै स्थान, गण्डकी प्रदेशका उच्च पहाडी तथा हिमाली भू–भाग तथा बाँकी प्रदेशका उच्च पहाडी तथा हिमाली क्षेत्रका एक दुई स्थानमा हल्का हिमपात हुनसक्ने पूर्वानुमान गरिएको छ ।

























