झापामा बोलेरो र टेम्पो ठोक्किएर दुर्घटना : १ जना महिलाको मृत्यु, ३ जना घाइते

Share this
711shares
मुलुकी खबर
मुलुकी खबर
clock२०८१ माघ ७, सोमबार १४:०४

विराटनगर । मेची राजमार्गअन्तर्गत झापाको बुद्धशान्ति गाउँपालिका–४ हाफपाइन्ट चोकमा बोलेरो गाडी र अटो टेम्पो ठोक्किएर सोमबार बिहान दुर्घटना भएको छ ।

दुर्घटनामा १ जना महिलाको मृत्यु भएको छ । ३ जना घाइते भएका छन् । चारआलीबाट इलामतर्फ जाँदै गरेको प्र १–०१–००१ ज ३८५१ नम्बरको बोलेरो र विपरीत दिशाबाट आउँदै गरेको प्र १–०१–००२ ह ३६३ नम्बरको अटो एकआपसमा ठोक्किएर बिहान १०ः५० बजेतिर दुर्घटना भएको हो ।

 

दुर्घटनामा परेर अटोमा सवार बुद्धशान्ति–४ की २७ वर्षीया अमृता तामाङको मृत्यु भएको झापा प्रहरीका प्रवक्ता डीएसपी कृष्णकुमार चन्दले बताए । उनका अनुसार गम्भीर घाइते भएकी अमृतलाई बुधबारेस्थित सीटी अस्पतालमा भर्ना गरिएको थियो ।

त्यहाँ सम्भव नभएपछि थप उपचारका लागि प्रादेशिक अस्पताल भद्रपुर लगियो । अस्पताल पुर्याउनसाथ चिकित्सकले १२ बजेतिर मृत घोषित गरेको जानकारी डीएसपी चन्दले दिए ।

दुर्घटनामा परेर अटोमा सवार बुद्धशान्ति–४ की २१ वर्षीया कृतिका तामाङ, ४१ वर्षीया मञ्जु तामाङ र बोलेरो चालक झापाकै मेचीनगर नगरपालिका–१२ का ४० वर्षीय दिलकुमार माझी घाइते भएका छन् । घाइते तीनै जनाको सीटी अस्पतालमा उपचार भइरहेको प्रहरीले जनाएको छ ।

अटो चालक बुद्धशान्ति–४ का ५३ वर्षीय अजय मोक्तान सकुशल छन् । बोलेरो र अटोलाई नियन्त्रणमा लिएर घटनाको अनुसन्धान सुरु गरिएको डीएसपी चन्दले बताए ।

 

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.