‘धरानको खानेपानी समस्याको समाधान हुन्छ, हर्कले स्टनबाजी गरे’

Share this
711shares
मुलुकी खबर
मुलुकी खबर
clock२०८१ माघ ११, शुक्रबार १४:२५

काठमाडौं । खानेपानीमन्त्री प्रदीप यादवले धरानको खानेपानी समस्याको समाधानमा सरकार गम्भीर भएर लागेको बताएका छन् ।

‘धरानको समस्याका बारेमा सरकार गम्भीर छ । त्यहाँको खानेपानी समस्या समाधान हुन्छ,’ उनले भने । तर, धरानका मेयर हर्क साम्पाङ (हर्कराज राई)ले रित्तो ग्रागी बोकर पानी माग्न सिहंदरबार आउने नाममा ‘मिडिया स्टनबाजी’ गरेको यादवले बताए ।

मन्त्रालयमा शुक्रबार पत्रकार सम्मेलन गर्दै मन्त्री यादवले ‘स्टनबाजी’ गर्ने भन्दा पनि सरकारले काम गरेर देखाउने बताए । उनले अबको १ वर्षभित्रमा धरानको खानेपानी समस्या समाधान भइसक्ने दाबी गरे ।

‘मुलुकमा धरानजस्तो धेरै गाउँपालिका र नगरपालिका छन् । समस्या धेरैतिर छ । तर, यसरी रित्तो गाग्री बोकेर वा एउटा गाग्रीमा पानी भरेर समस्या समाधान हुँदैन । ‘मिडिया स्टनबाजी’ गर्ने छुट्टै हो । काम गर्ने छुट्टै हो । हामी काम गरेर देखाउँछौं । अबको एक वर्षभित्रमा काम गरेर देखाइदिन्छु,’ उनले भने ।

धारानमा खानेपानी समस्याको व्यवस्थापनका लागि करिब ६ अर्ब बजेट छुटयाइएको जानकारी उनले दिए । मन्त्री यादवका अनुसार ठूलो बजेट भएकाले एडीबीको ऋण सहयोगबाट धरानको खानेपानी समस्या समाधान गरिने छ ।

मेयर सम्पाङले खानेपानीका लागि ठूलै मिहिनेत गरेर अलिअलि पानी ल्याएको भए पनि त्यो पर्याप्त नहुने र त्यसले ३ वटा वडामा पनि नपुग्ने उनको भनाइ छ । ‘आफ्ना नागरिकलाई पानी दिन संघीय सरकार आतुर छ । प्रधानमन्त्री र मबीच धरानको खानेपानी समस्याबारे छलफल भएको छ । करिब ६ अर्बको बजेट छ हामीसँग । त्यहाँको समस्या भनेको जग्गा अतिक्रमण गर्नुपर्ने हुन्छ । प्रधानमन्त्रीको निर्देशन अनुसार धरानमा पानीको व्यवस्था गर्छौं । एडीबीको ऋण सहयोग त्यहाँ खर्च गर्ने सल्लाह भएको छ । किनकि ठूलो बजेटको कुरा छ । छलफल गरिसकेका छौं । त्यो ऋण सहयोगबाट धरानको खानेपानीको समस्या समाधान गर्छौं,’ मन्त्री यादवले भने ।

उनले पहिला पनि निर्वतमान मेयरले बहादुरी देखाउन खोज्दा जनताले पाइराखेको खानेपानी पनि गुमाउन पुगेको स्मरण गरे । यादवले भने, ‘धेरै ‘स्टनबाजी आवश्यक छैन । काम गरेर देखाउनुपर्छ ।’

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.