महाराष्ट्र रेल दुर्घटनामा मृत्यु हुने नेपालीको संख्या ७ पुग्यो (परराष्ट्र मन्त्रालयको विज्ञप्तिसहित)

Share this
762shares
मुलुकी खबर
मुलुकी खबर
clock२०८१ माघ ११, शुक्रबार १६:१०

विराटनगर । भारतको महाराष्ट्र राज्यअन्तर्गत जलगाउँस्थित परधाडे स्टेसननजिकै रेल दुर्घटनामा परेर मृत्यु हुने नेपाली नागरिकको संख्या ७ पुगेको छ ।

मृत्यु हुनेमा अछामका ४, कैलालीका २ र बाँकेका १ जना रहेको परराष्ट्र मन्त्रालयले शुक्रबार जानकारी दिएको छ । मन्त्रालयले विज्ञप्तिमार्फत अछाम मंगलसेनका बालक ११ वर्षीय हिमुनन्दराम विश्वकर्मा, ४४ वर्षीय नन्दराम पद्म विश्वकर्मा, ४२ वर्षीया मैसारा कामी विश्वकर्मा र अछाम कमलबजारकी ६० वर्षीया जोक्ला उर्फ कला कामीको मृत्यु भएको जनाएको हो ।

त्यस्तै, कैलालीकी ४३ वर्षीया कमला नवीन भण्डारी र ४० वर्षीय लछिराम पासी र बाँकेको डंडुवाका ३२ वर्षीय राधेश्याम राधको पनि मृत्यु भएको मन्त्रायलले जनाएको छ । दुर्घटनामा परेर घाइते भएकामध्ये ४ जना नेपाली नागरिक रहेका छन् ।

मन्त्रालयका अनुसार ३ जनाको स्थानीय अस्पताल र गम्भीर घाइते भएका १ जनाको गोदावरी अस्पताल, जलगाउँमा उपचार भइरहेको छ । दुर्घटनामा मृत्यु भएका नेपालीहरूको शव नेपाल ल्याउन तथा घाइतेहरूको शीघ्र उपचारका लागि सरकारले नयाँ दिल्लीस्थित नेपाली राजदूतावास र काठमाडौंस्थित भारतीय राजदूतावासमार्फत भारत सरकारका सम्बन्धित निकायहरूसँग समन्वय एवं सहजीकरण गरिरहेको परराष्ट्र मन्त्रालयको विज्ञप्तिमा उल्लेख छ ।

गत बुधबार साँझ करिब ५ः०५ बजेतिर रेल दुर्घटनामा परेको हो । पुष्पक एक्सप्रेसको रेल दुर्घटनामा परेर १९ जनाको मृत्यु भएको विभिन्न सञ्चारमाध्यमले जनाए पनि परराष्ट्र मन्त्रालयले भने १२ जनाको मात्रै मृत्यु भएको उल्लेख गरेको छ । मृत्यु हुने अन्यमा भारतीय नागरिक रहेका छन् । दुर्घटनामा परेर ४० जनभन्दा बढी घाइते भएको विभिन्न सञ्चारमाध्यमले जनाएका छन् ।

रेलमा आगो लागेको हल्ला फैलिएपछि यात्रुहरुबीच भागदौड मच्चिएको थियो । त्यसक्रममा अर्को लिकबाट आइरहेको रेलले किचेर उनीहरुको मृत्यु भएको विभिन्न सञ्चारमाध्यमले जनाएका छन् । हतारिएर यात्रीहरू झ्यालबाट हाम फालेका थिए ।

यस्तो छ परराष्ट्र मन्त्रालयले जारी गरेको विज्ञप्ति

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.