
काठमाडौं । मेलिसयाले १६ जना नेपाली कामदारलाई निष्काशन गरेको छ । गैरकानुनी रूपमा बसिरहेका नेपाली निष्काशनमा परेका हुन् ।
उनीहरुलाई ‘डिपोर्ट’ गरेर नेपाल पठाइएको छ । निष्काशनमा पर्नेहरुमा प्रकाश लिम्बू, रामबहादुर सुनुवार, राजेश शाह, अमितकुमार राम, अर्बिनकुमार यादव, करणकुमार मोची, प्रदीप चोख्याल, डम्बरबहादुर बोहरा, रामदास केवत, सुरजदेव साह तेली, दीपेन्द्र सुब्बा, भीमबहादुर तामाङ, गणेश परियार, मक्का लामा, चित्रबहादुर खत्री र राजनकुमार शाही रहेका छन् ।
उनीहरु विभिन्न मेनपावरमार्फत वैदेशिक रोजगारीका लागि मलेसिया पुगेका थिए । मलेसियाको अध्यागमन कानुन उल्लंघन गरेको भन्दै उनीलाई त्यहाँको सरकारले पक्राउ गरेर निष्काशन गरेको हो । निष्काशनमा परेपछि मालिन्दो एयरलाइन्स र बाटिका एयरको जहाजबाट उनीहरु एक साताअघि काठमाडौं आइपुगेका थिए ।
उनीहरुले मलेसियामा बसेर कम्पनी फेर्ने, श्रम सम्झौताविपरीतको काममा संलग्न हुने, भिसाको समय सकिए पनि काम गरेर बस्ने गरेको पाइएको छ । पछिल्लो समय मलेसियाले अवैध रूपमा बसेका कामदारहरूमाथि कडाइ गरिरहेको छ ।

























