
काठमाडौं । वरिष्ठ अधिवक्ता दामोदर खड्का न्याय परिषद्को सदस्यमा नियुक्त भएका छन् । उनलाई राष्ट्रपति रामचन्द्र पौडेलले सोमबार नियुक्त गरेका हुन् ।
राष्ट्रपतिको कार्यालयले विज्ञप्ति जारी गर्दै खड्कालाई नियुक्त गरिएको जानकारी दिएको छ । खड्का काठमाडौंको बुढानीलकण्ठ नगरपालिका–४ का बासिन्दा हुन् ।
नेपाल बार एसोसिएसनले उनलाई न्याय परिषद्को सदस्यमा नियुक्त गर्न सिफारिस गरेको थियो । संसदीय सुनुवाइ समितिबाट उनको नाम आइतबार सर्वसम्मत अनुमोदन भएको थियो ।
खड्कालाई नेपालको संविधानको धारा १५३ को उपधारा (१) को खण्ड (ङ० बमोजिम न्याय परिषद् सदस्यमा नियुक्त गरिएको राष्ट्रपतिको कार्यालयका प्रवक्ता शैलजा रेग्मी भट्टराईले जानकारी दिइन् ।


























