
कैलाली । २ वर्षकी नाबालिका छोरीसहित २४ वर्षीया आमा बिहीबार साँझ मृत फेला परेकी छन् । घटना कैलालीको गोदावरीमा भएको हो ।
गोदावरी नगरपालिका–११ गोठानकी मीरा कामी र उनकी छोरी प्रिन्सीको शव फेला परेको प्रहरीले जनाएको छ । आफ्नै घरमा झुन्डिएको अवस्थामा साँझ ७ बजेतिर आमाछोरीको शव फेला परेको हो ।
मृतकका पति रोजगारीको सिलसिलामा भारतमा छन् । घटनाका बेला उनकी सासूआमा पनि घरमा नभएको पाइएको प्रहरीले जनाएको छ ।
मृतक दुवै जनाको शव पोस्टमार्टमका लागि सेती प्रादेशिक अस्पतालमा लगिएको छ । घटनाका बारेमा प्रहरीले थप अनुसन्धान अघि बढाएको छ ।

























