
काठमाडौं । काठमाडौंमा विद्यार्थी बोकेको स्कुल बस दुर्घटना हुँदा दुई जनाको मृत्यु भएको छ । ४१ जना घाइते भएका छन् ।
काठमाडौंको दक्षिणकाली नगरपालिका– ४ मा विद्यार्थी बोकेको बस दुर्घटना हुँदा स्कुल बसका चालक दक्षिणकाली नगरपालिका– ४ का ३५ वर्षीय रामकृष्ण थापा मगर र सोही ठाउँका ८ वर्षीय बालक विपिन श्रेष्ठको मृत्यु भएको हो ।
थापामगरको नगर अस्पताल दक्षिणकालीमा र श्रेष्ठको ट्रमा सेन्टरमा उपचारको क्रममा मृत्यु भएको प्रहरीले जनाएको छ ।
बा १ क ५६६४ नम्बरको जुनकिरी स्कुलको बस आइतबार साढे ३ बजे सडकबाट १०० मिटर तल खसेको थियो ।
घाइतेहरूको काठमाडौं उपत्यकाका विभिन्न अस्पतालहरूमा उपचार भइरहेको प्रहरीले जनाएको छ ।

























