
पोखरा । उज्वेकिस्तानको ब्ल्याक बुल्सले २४औं आहारारा पोखरा गोल्डकपको उपाधि जितेको छ । शनिबार ६ पटकको च्याम्पियन नेपाल पुलिस क्लबलाई ३– १ ले पराजित गर्दै उपाधि जितेको हो ।
ब्ल्याक बुल्सले पहिलो हाफमा एक तथा दोस्रो हाफमा दुई गोल गरेको थियो ।
ब्ल्याक बुल्सका लागि कुभोनचबेक ओलिनोभले ४०औं, असिलबेक ओरिफजोनोभले ५८औं तथा साभकातजोन सात्तोरोधले ६६औं मिनेटमा गोल गरेका थिए ।
पुलिसका शिशिर चौधरीले ७४औं मिनेटमा गरेको गोल फर्काए ।
ब्ल्याक बुल्सले क्वाटरफाइनलमा भारतको थण्डरबोल्ट नर्थ युनाइटेडलाई ३–० र सेमिफाइनलमा थ्री स्टारलाई ४–० ले पराजित गरेको थियो ।
उपाधि जितेको ब्ल्याक बुल्सले १२ लाख १ हजारसहित आहाराराको ट्रफी प्राप्त गर्यो । उपविजेता पुलिसले ६ लाख १ हजारमा प्राप्त गर्यो ।



















