
विराटनगर । विराट गोल्डकपको दोस्रो दिन आज शुभेदा दिल्ली फुटबल क्लब र सशस्त्र प्रहरी बल एपीएफबीच प्रतिस्पर्धा भइरहेको छ ।
विराटनगरको सहिद रंगशालामा जारी खेलको पहिलो हाफ गोलरहित बराबरीमा सकिएको छ । मध्यान्तरअघि दुवै टोलीले गोल गर्नका लागि पाएका केही राम्रा र महत्त्वपूर्ण अवसर गुमाएका छन् ।
दुवै टोली चुक्दा पहिलो हाफमा गोल हुन सकेन । पाहुना टोली भारतको शुभेदा र नेपालको विभागीय टोली एपीएफबीच रोमाञ्चक खेल भइरहेको छ । अब १५ मिनेटको ब्रेकपछि दोस्रो हाफ सुरु हुने छ ।
सोमबार राति सम्पन्न पहिलो खेलमा आयोजक मोरङ रिजालको एफएले पाहुना टोली भारतको साउथन समिति कोलकातालाई ३–२ गोल अन्तरले पराजित गर्यो ।



















