लेटाङलाई मिल्स गोल्डकपको उपाधि  

Share this
661shares
मुलुकी खबर
मुलुकी खबर
clock२०८१ चैत १०, आइतबार १९:२२

विराटनगर । मोरङको लेटाङ फुटबल क्लबले ५ औं मिल्स गोल्डकपको उपाधि जितेको छ ।  

विराटनगरको जुट मिल खेल मैदानमा आइतबार भएको खेलमा लेटाङले गाईघाटको फ्युजन फुटबल क्लबलाई १–० गोल अन्तरले पराजित गर्दै उपाधि जितेको हो ।

लेटाङलाई उपाधि दिलाउन पुजन चौधरी नायक भए । उनले खेलको ४५ औं मिनेटमा निर्णायक गोल गर्दै टोलीलाई उपाधि दिलाए । 

सुजन बिकले निकालेको क्रस पासलाई पुजनले चलाखी पूर्ण तवरले गोल गरे । उपाधिसँगै लेटाङले १ लाख १ हजार र उपविजेता गाईघाटले ५१ हजार रुपैयाँका साथै ट्रफी प्राप्त गरे ।  

प्रतियोगितामा पहिलो पटक सहभागिता जनाएको लेटाङले उपाधि जितेको हो । व्यक्तिगत विधातर्फ उत्कृष्ट गोलरक्षक लेटाङका समिर क्षेत्री, सर्वोत्कृष्ट खेलाडी लेटाङका किरण शंकर, उत्कृष्ट प्रशिक्षक लेटाङका इन्द्र राई र उत्कृष्ट डिफेन्डर गाईघाटका युवराज थापा भए  ।

सर्वाधिक गोलकर्ता लेटाङका सौगात राई र उदयपुरका रितेश तामाङले समान २–२ गोल गरे ।  

प्रतियोगितामा भारतको १ टोलीसहित ८ वटा टोलीको सहभागिता रहेको थियो । खेलाडीहरूलाई कोशी प्रदेश खेलकुद विकास बोर्डका सदस्यसचिव कृष्ण बस्नेत, विराटनगर–१६ का वडाध्यक्ष उद्धव भुजेल, मिल्स गोल्डकप फुटबल ट्रष्टका अध्यक्ष विष्णु डंगोलगायतले पुरस्कार प्रदान गरे । 

तपाइको प्रतिक्रिया
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.