वडा नम्बर १८ र ११ विजयी 

Share this
794shares
मुलुकी खबर
मुलुकी खबर
clock२०८१ चैत १२, मंगलबार १३:१२

धरान । धरानमा जारी २५ औं गोधुली रनिङ कप फुटबल प्रतियोगितामा ११ र १८ नम्बर वडा विजयी भएका छन् ।

प्रतियोगिताअन्तर्गत सोमबार राति भएको पहिलो खेलमा १८ नम्बर वडाले १९ नम्बर वडालाई ३–२ गोल अन्तरमा पराजित गर्दै  प्रिक्वाटर फाइनलमा प्रवेश गरेको छ ।

खेलको निर्धारित समयमा दुवै टोलीबाट २–२ गोलको बराबरी खेलेपछि खेलको निर्णय टाइब्रेकरबाट भएको थियो । 

टाइब्रेकरमा १८ नम्बर वडाका लागि निकेन राई, सौनक श्रेष्ठ र रोशन उराउले गोल गरे भने उज्वल राई र विवेक परियारले गोल गर्न चुके । १९ नम्बर वडाका लागि सनम लिम्बू र इन्सन राईले मात्रै गोल गर्न सके भने आयाम राई, अभिषेक राई र नाम्बाहाङ लिम्बूको प्रहारलाई विपक्षी गोलरक्षक धिरज बस्नेतले बाधक भए । 

खेलको २३ औं मिनेटमा प्रबल राईले गोल गर्दै १८ नम्बर वडालाई अग्रता दिलाएका थिए । तर पहिलो हाफको इन्जुरी समयमा १९ नम्बर वडाका प्रमेश राईले गोल गर्दै खेललाई बराबरीमा ल्यायो । 

६१ औं मिनेटमा १९ नम्बर वडाका अतित राईले गोल गर्दै अग्रता बनाए । खेलको अन्तिम इन्जुरी समयमा १८ नम्बर वडाका सौनाक श्रेष्ठले गोल गरेपछि खेल पुनः बराबरीमा आएको थियो । खेलको म्यान अफ द म्याच १८ नम्बर वडाका गोलरक्षक धिरज बस्नेत भए । 

त्यस्तै, दोस्रो खेलमा ११ नम्बर वडाले ३ नम्बर वडालाई ३–१ गोल अन्तरले पराजित गर्दै प्रिक्वाटर फाइनलमा पुगेको छ ।  

खेलको ६ मिनेटमा ३ नम्बर वडाका युनिक लिम्बूले गोल गर्दै टोलीलाई अग्रता दिलाए । मध्यान्तरपछि ११ नम्बर वडाका पवन राईले २ गोल र प्रवीण राईले १ गोल गर्दै टोलीलाई विजयी बनाए ।

खेलको म्यान अफ द म्याच ११ नम्बर वडाका पवन राई भए ।  

तपाइको प्रतिक्रिया
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.