इक्वालिटी कप क्रिकेट २०२५ : सप्तरी र मोरङ विजयी

Share this
756shares
मुलुकी खबर
मुलुकी खबर
clock२०८१ चैत १८, सोमबार १८:३२

विराटनगर । महिला समानताका लागि नेपाल क्रिकेट फाउण्डेशनले भुइँ तह तथा महिला विकासका लागि चौथो संस्करणको ‘इक्वालिटी कप क्रिकेट २०२५’ प्रतियोगिता आयोजना गरेको छ ।

विराटनगर– ६ मा रहेको म्यारिलिबोन ज्वाला क्रिकेट ग्राउन्डमा आज (सोमबार) भएको खेलमा सप्तरी र मोरङले विजयी सुरुवात गर्‍यो । पहिलो खेलमा सप्तरीले इलामलाई ८ विकेटले पराजित गरेको छ ।

टस जितेर ब्याटिङ गरेको इलामले निर्धारित २० ओभरमा ६ विकेट गुमाई १ सय १७ रनको योगफल तयार पारेको थियो । खेलमा इलामकी प्रीयंका राईले सर्वाधिक ४१ रन बनाइन् । सप्तरीकी सुस्मिता यादवले सर्वाधिक २ विकेट लिइन् ।

१ सय १८ रनको लक्ष्य पछ्याएको सप्तरीले १४ दशमलव १ बलमा २ विकेट गुमाई सो विजयी लक्ष्य पार गरेको थियो । सप्तरीको जितमा प्लेयर अफ द म्याच साक्षी यादवले अविजित ६० रन बनाउँदा बन्दना रजकले पनि अविजित १३ रनको योगदान दिइन् । इलामकी मुना राई र टिकामाया तामाङले १–१ विकेट लिइन् ।

दोस्रो खेलमा मोरङले सिराहालाई ७ विकेटले पराजित गरेको छ । टस जितेर ब्याटिङ गरेको सिराहाले निर्धारित २० ओभरको खेलमा १२ दशमलव २ बलमा सबै विकेट गुमाउँदा ६० रनमा सीमित भयो । सिराहाका कुनै पनि ब्याटरले दोहोरा अंकलाई छुन सकेनन् । मोरङकी प्लेयर अफ म्याच कृतिषा धामीले सर्वाधिक ५ विकेट लिइन् । उनले ४ ओभरमा १६ रन दिएकी थिइन् ।

६१ रनको झिनो लक्ष्य पछ्याएको मोरङले ९ दशमलव १ बलमा ३ विकेट गुमाउँदै लक्ष्य पार गरेको थियो । मोरङको जितमा सानु राजवंशीले अविजित २८ रन बनाउँदा टिका साहले १५ रन बनाइन् ।

प्रतियोगिताको उद्घाटन विराटनगर महानगरपालिका प्रमुख नागेश कोइरालाले ब्याटिङ, कोशी प्रदेश क्रिकेट संघका अध्यक्ष सर्वजितराज पाण्डेले बलिङ र सिनियर अम्पायरले विकेट कि पिङ गर्दै गरेका थिए ।

प्रतियोगितामा कोशी प्रदेशका मोरङ र इलाम तथा मधेस प्रदेशका सिराहा र सप्तरीका महिला टिमहरू सहभागी रहेको खेल संयोजक मन्दिप साहले जानकारी दिए । खेल लिगको आधारमा खेलाइने प्रतियोगिता बिहीबार सम्म चल्नेछ । लिगमा टप गर्ने दुई टिमबिच फाइनल खेलाइने आयोजकले जनाएको छ ।

प्रतियोगितालाई म्यारिलीबोन क्रिकेट क्लब फाउन्डेसन र क्रिकेट विथआउट बाउण्ड्रीजले सहयोग गरेका छन् । क्रिकेटमा महिलाको सहभागिता अभिवृद्धि अभियान अन्तर्गत इक्वालिटी कप क्रिकेट आयोजना गर्दै आएको साहले बताए ।

आयोजक फाउण्डेसनले प्रतियोगिताका लागि साढे ६ लाख रुपैयाँ खर्च हुने अनुमान गरिएको छ । गत संस्करणमा भने मोरङ महिला टोलीले उपाधि हात पारेको थियो ।

तपाइको प्रतिक्रिया
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.