चैत २३ बाट विराटनगरमा इण्डो नेपाल टि–२० क्रिकेट

Share this
747shares
मुलुकी खबर
मुलुकी खबर
clock२०८१ चैत २०, बुधबार १८:३९

विराटनगर । चैत २३ गतेबाट चौथो संस्करणको मिल्स कप इण्डो नेपाल टि–२० क्रिकेट प्रतियोगिता हुने भएको छ । प्रतियोगिता चैत ३० गतेसम्म सञ्चालन हुनेछ ।

विराटनगर जुट मिल खेल मैदानमा हुने प्रतियोगिताको तयारी अन्तिम चरणमा पुगेको आयोजकले बुधबार पत्रकार सम्मेलन गरी जानकारी गराएको छ । प्रतियोगितामा भारतका ६ र नेपालका ६ टिम गरी जम्मा १२ टिमको सहभागिता रहेको क्लबकी सचिव शान्ता श्रेष्ठले जानकारी दिइन् ।

प्रतियोगितामा भारतको दिल्ली युथ क्लब, हाइपर फॉर्मेन्स क्रिकेट एकेडेमी पटना, प्रशान्त क्रिकेट क्लब जोगवनी, डिजायर क्रिकेट क्लब पूर्णिया, बिहार क्रिकेट क्लब र मुन क्रिकेट एकेडेमी फारबिजगन्चको टिम रहेको छ । स्वदेशका होराइजन क्रिकेट क्लब विराटनगर, सिरहा क्रिकेट क्लब, झापा जिल्ला क्रिकेट क्लब, आयोजक मिल्स क्रिकेट क्लब एन्ड एकेडमी, सिद्धार्थ स्पोर्टिङ क्लब (एनबीएससी) नेपाल र वाइआरसीसी विराटनगर रहेको छ । प्रतियोगिताको उद्घाटन खेल आउँदो शनिबार जोगवनीको प्रशान्त क्रिकेट क्लब र विराटनगरको होराइजन क्रिकेट क्लबबीच हुनेछ ।

प्रतियोगिता नकाउट आधरमा हुने आयोजकले बताएको छ ।

यसवर्षको प्रतियोगितामा विजेता टिमले २ लाख १ हजार नगद पुरस्कारसहित आकर्षक ट्रफी प्राप्त गर्नेछ । जुन गत वर्षको तुलनामा ५० हजार बढी हो । उपविजेता टिमले १ लाख १ हजार नगद पुरस्कार प्राप्त गर्नेछ, जुन गत वर्षको भन्दा २६ हजार पुरस्कार राशी बढाएको क्बलकी सचिव श्रेष्ठले बताइन् ।

गत वर्ष बिजेतालाई नगद १ लाख ५१ हजार रुपैयाँ र उपबिजेतालाइ गत वर्ष ७५ हजार रुपैयाँ रहेको थियो ।

तेस्रो संस्करणको मिल्स कप इण्डो नेपाल टि–२० क्रिकेट प्रतियोगितामा विराटनगरको वाईआरसीसी क्रिकेट क्लबले उपाधि जितेको थियो ।

मिल्स कप इण्डो नेपाल टि–२० क्रिकेट प्रतियोगिताले नेपाल र भारतबीचको खेलकुद कूटनीतिलाई सुदृढ बनाउनुका साथै स्थानीय खेलाडीहरूलाई अन्तर्राष्ट्रिय स्तरको अनुभव हासिल गर्ने अवसर प्रदान गर्ने प्रतियोगिताको संयोजक तथा विराटनगर १६ का वडाअध्यक्ष उद्धव भुजेलले बताए ।

तपाइको प्रतिक्रिया
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.