
काठमाडौं । सेयर बजार मापनको परिसूचक नेप्से घटेको छ । आइतबारको तुलनामा सोमबार कारोबार रकम पनि घटेको छ ।
सोमबार नेप्से परिसूचक १४.५ अंकले घटेर २६४७ अंकमा कायम भएको छ । अघिल्लो दिन १० अर्ब ८७ करोडको कारोबार भएको थियो । सोमबार ८ अर्ब ९१ करोडको कारोबार भएको छ ।
आज ७८ कम्पनीको मूल्य बढ्दा १६७ को घट्यो । समग्र बजार घटे पनि लामो समयपछि फाइनान्स सेक्टरमा आकर्षण देखिएको छ ।
फाइनान्स सबैभन्दा धेरै १.४० प्रतिशतले बढेको छ । व्यापार ०.४२ प्रतिशत बढ्यो । दुई बाहेक अन्य सबै सेक्टर घटेको छ ।
लगानी सेक्टर सबैभन्दा धेरै २.१४ प्रतिशत घट्यो । बैंकिङ ०.६५, विकास बैंक ०.२८, होटल तथा पर्यटन ०.२३, हाइड्रोपावर ०.७५, जीवन बीमा ०.१३, उत्पादन ०.५४, माइक्रोफाइनान्स ०.७६ निर्जीवन बीमा ०.०२ तथा अन्य ०.२१ प्रतिशत घट्यो ।

























