सुगमले ल्याए नयाँ गीत ‘यति छिटो’

विराटनगर । गायक सुगम पोखरेलले ‘यति छिटो’ बोलको गीत सार्वजनिक गरेका छन् ।

भुषण खरेको शब्द रहेको उक्त गीतमा संगीत जेम्स प्रधानले दिएका छन् ।

करिब २ दशकअघि नै रेकर्ड गरिएको यो गीत गीतकार भुषण खरेलको जन्मदिनको अवसर पारेर सार्वजनिक गरिएको हो ।

गीतकार भुषण खरेलका म रोए पनि तिमी हाँसिदिनु, कति बस्छौ ओढी लाजको घुम्टो, बिहानी पहिलो किरणसँगै लगायत गीतहरु चर्चित छन् ।

यति बेला संगीत श्रोताहरुको स्वाद फेरिए पनि यो गीतले केही वर्ष अगाडिको संगीत सम्झाउने आशा सुगमले लिएका छन् ।

गीतको भिडियोमा सुगमसँगै सबिना राउतको अभिनय देख्न सकिन्छ ।

गीतको म्युजिक भिडियो लाई दिनेश थापाले छायांकन, सम्पादन तथा निर्देशन गरेका छन् । म्युजिक भिडियो सुगम पोखरेलको युटुब च्यानल मार्फत् सार्वजनिक गरिएको हो ।