
विराटनगर । स्कटल्याण्डमा जारी त्रिदेशीय टी– २० आई शृंखला अन्तर्गत नेदरल्याण्ड्ससँग दोस्रो खेलमा नेपाल विजयी भएको छ ।
पहिलो खेलमा तस्रो सुपर ओभरमा पराजित भएको नेपाल सिरिजको तेस्रो तथा नेदरल्याण्ड्ससँगकाे दाेस्राे खेलमा विजयी भएको हो ।
सिरिजको दोस्रो खेलमा नेपालले स्कटल्याण्डलाई पराजित गरेको थियो ।
नेदरल्याण्ड्समाथिको जितसँगै नेपालले तीन खेलमा दुई जित दर्ता गरेको छ ।
टस हारेर पहिले ब्याटिङ गरेको नेदरल्याण्ड्सले २० ओभरमा ७ विकेट गुमाएर १७४ रन बनाएको थियो । १७५ रनको लक्ष्य पछ्याएको नेपालले २ बल बाँकी हुँदै ४ विकेटको क्षतिमा लक्ष्य भेट्टायो ।
नेपालको जितमा कुशल भुर्तेलले ६५ रन जोडे । भीम सार्कीले २७ रन जोड्दा आरिफ सेखले ३९ रन जोडे ।
नेदरल्याण्ड्सका लागि माइकल ओपनिङ ब्याटर लेभिटले ५३ बलमा ८६ रनको आक्रमक पारी खेलेका थिए ।भेट्रान अलराउण्डर रोलफ भान डर मर्वेले २१ बलमा ३६ रनको अविजित पारी खेले ।
नेपालका लागि करण केसीले ४ ओभरमा ४० रन दिएर २ विकेट लिए । दिपेन्द्रसिंह ऐरी, ललित राजवंशी, सन्दीप लामिछाने र रुपेश सिंहले १–१ विकेट लिए ।



















