लघुकथा : ‘महिनावारी वरदान र उपहार हो’

Share this
645shares
मुलुकी खबर
जमुना पौड्याल
clock२०८२ भदौ १४, शनिबार १२:०२

नैना, बिनु, लिना र म कलेज छुट्टि भएपछि घर फर्कियौँ । नैना र बिनु एउटै कोठामा बस्थे । म र लिना भने आआफ्नो घरमा बस्थ्यौँ ।

‘हिँड साथी हो हाम्रो कोठामा, म मिठो चिया खुवाउँछु’ नैनाले भनी । ‘होस् , तँलाई छुइ भएको छ आज नजाने’ मैले भनेँ । ‘केटी–केटीलाई खुवाउन छुइ भएर के भयो त ? जाऊँ है जाऊँ’ बिनुले भनी ।

म एकछिन घोत्लिएर लिनाको अनुहारमा हेरेँ । लिनाले इसाराले जाऔँ भनी । अनि हामी बिनु र नैनाको कोठामा गयौँ ।

नैनाले चिया र बिस्कुट रमेश र काजी दाइहरूलाई पनि दिइ । २ दाइहरू पनि उनीहरूसँगै एउटै घरमा कोठा लिएर बस्नु हुँदो रहेछ । चारै जनाले खाना चाहिँ एकै ठाउँमा पकाएर खाने रहेछन् ।

नैनाले पर सरेका बेला छोरा मान्छेलाई खानेकुरा दिएको देख्दा मलाई अचम्म लाग्यो । मैले पुलुक्छ बिनुको अनुहारमा हेरेँ । बिनुले इसराले चल्छ भन्ने संकेत गरी ।

मलाई खट्पटी भयो । दाइहरू बाहिर गए । त्यही मौका पारेर सोधेँ, ‘हैन के गरेकी नैना ? पर सरेका बेलामा पनि छोरा मान्छेलाई छोइएको खानेकुरा दिने हो ?’

नैनाले भनी, ‘तिमीहरू बाहुनीको पो के के चलन छ त ? हामी लिम्बूहरूले यस्तो बार्दैनौँ । मेरो संगतका कारण बिनुले पनि बार्दिन । ऊ पनि त बाहुनी हो नि । खै बिनुलाई केही भएको छैन । कहीँ नभएको नानाथरी यही बाहुनीहरूले जानेको छ । महिनावारी त प्रकृतिको वरदान हो । सृजनाको उपहार हो । पहिलेका आमादिदीहरूले भोगेको पीडा अझै तिमीहरू भोगिरहन्छौ ?’

नैनाको कुरा सुनेर मलाई पापको भय भयो । अब बिनुलाई पाप लाग्ने भयो । बिचरी ! नैनाको संगतले पापिनी भइ । तर, बिनुलाई पाप लागेको मैले देखिनँ । बिनु सधैँ हँसिली खुसिली छे । सम्पन्न छे । लिनाले पनि छुइछाई बार्न छोडी । तर, मेरो मनबाट महिनावारीको भय हराएन । छुइछाईको भयले सधैँ कोपरिरह्यो । मेरो छुइछाई हरायो । तर, समाजले भने डर देखाइरह्यो ।

हिजोआज म कसैलाई छुइछाईको भय गराउँदिन । मलाई समाजका मान्छेलाई एउटा प्रश्न सोध्न मन छ, ‘के महिनावारी प्रकृतिको वरदान र सृजनाको उपहार नभए तिमी हुने थियौ ?’

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.