६ महिनामा २९ लाखका अखाद्य वस्तु नष्ट, ६२ मुद्दा दायर

Share this
696shares
मुलुकी खबर
मुलुकी खबर
clock२०८२ फागुन १४, बिहीबार १५:२७

काठमाडौं। चालू आर्थिक वर्ष २०८२/८३ को पहिलो छ महिनामा खाद्य प्रविधि तथा गुण नियन्त्रण विभागले बजार अनुगमनलाई तीव्र पार्दै २९ लाख ४ हजार रुपैयाँ बराबरका अखाद्य वस्तु नष्ट गरेको छ। विभागले बिहीबार सार्वजनिक गरेको विवरण अनुसार यस अवधिमा ५ हजार ९ सय ६ पटक उद्योग, होटल तथा बजारको अनुगमन गरिएको थियो।

अनुगमनका क्रममा म्याद नाघेका, लेबल नभएका र अखाद्य वस्तु फेला परेपछि ती सामग्री जफत गरी नष्ट गरिएको हो। न्यून स्तरका र दूषित खाद्य पदार्थ बिक्री गरेको कसुरमा विभिन्न जिल्ला प्रशासन कार्यालय र अदालतमा ६२ वटा मुद्दा दायर गरिएको विभागले जनाएको छ। कैफियत देखिएका बेकरी, प्रशोधित पानी, दालमोठ र क्यान्डीलगायत १३ प्रकारका खाद्य पदार्थलाई बजारबाट फिर्ता गर्न समेत आदेश दिइएको छ।

प्रयोगशाला परीक्षणमा पठाइएका नमुनामध्ये २६ वटा प्रतिकूल पाइएपछि सम्बन्धितमाथि कानुनी कारबाही अघि बढाइएको छ। यस्तै, आवश्यक कागजात र लेबल नमिलेका २ सय २९ वटा खाद्य पदार्थको आयात अनुमति समेत विभागले अस्वीकृत गरिदिएको छ। द्रुत विषादी अवशेष परीक्षण (आरबीपीआर) मार्फत तरकारी र फलफूलको गुणस्तर जाँचलाई पनि निरन्तरता दिइएको छ।

विभागले खाद्य स्वच्छता ऐन, २०८१ बमोजिम परम्परागत नेपाली खानेकुराको गुणस्तर निर्धारण गर्ने कार्यलाई पनि अघि बढाएको छ। छुर्पी, मस्यौरा र रोल्ड ओट्सको मापदण्ड लागू हुने चरणमा रहेका छन् भने गुन्द्रुकको मापदण्ड स्वीकृतिका लागि सिफारिस गरिएको छ। विभागकी प्रवक्ता डा. बाल कुमारी शर्माले उपभोक्ताको स्वास्थ्य रक्षाका लागि आगामी दिनमा अनुगमन र जनचेतनाका कार्यक्रमलाई अझै प्रभावकारी बनाउने बताए।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.