
झापा । झापाको बिर्तामोड नगरपालिका–८ गरामनीस्थित मदनपुर–बिर्तामोड सडक खण्डबाट भन्सार छली गरी ल्याइएका सामानसहित एउटा मारुती भ्यानलाई प्रहरीले नियन्त्रणमा लिएको छ ।
बिहीबार बिहान करिब ८ बजे भद्रपुरबाट बिर्तामोडतर्फ आउँदै गरेको डब्लुबी ७४ डब्लु १२९६ नम्बरको सुजुकी मारुती भ्यानलाई नियन्त्रणमा लिएर खानतलासी गर्दा हार्डवेयर सामग्री, सवारी साधनका विभिन्न पार्टपुर्जा, एलईडी लाईट, प्रिन्टर मसीलगायतका सामान अवैध रूपमा ल्याइएको फेला परेको झापा प्रहरीका प्रवक्ता डीएसपी खगेन्द्रबहादुर खड्काले बताए ।
उनका अनुसार बरामद सामान र सवारी साधनको अनुमानित मूल्य १० लाख ६८ हजार ५० रुपैयाँ बराबर छ । गाडी र बरामद गरिएको सामानलाई आवश्यक कारबाहीका लागि मेची भन्सार कार्यालय काँकडभिट्टा पठाइएको प्रहरीले जनाएको छ ।

























