ओखलढुंगा दम्पती हत्याकाण्डः अभियुक्तहरू पुर्पक्षका लागि थुनामा

Share this
750shares
मुलुकी खबर
मुलुकी खबर
clock२०८२ फागुन १५, शुक्रबार ११:५३

विराटनगर । ओखलढुंगाको चिशंखुगढीमा वृद्ध दम्पतीको हत्या गरी लुटपाट गर्ने कार्यमा संलग्न अभियुक्तहरूलाई अदालतले पुर्पक्षका लागि थुनामा पठाउने आदेश दिएको छ। चिशंखुगढी गाउँपालिका वडा नं। ६ बोहोरेका ७४ वर्षीय चन्द्र विक्रम राई र उनकी ८० वर्षीया श्रीमती चन्द्र माया राईको हत्यामा संलग्न ३४ वर्षीय धन बहादुर राना मगर र अर्का एक १७ वर्षीय नाबालकलाई पुर्पक्षका लागि चलान गरिएको हो।

गत माघ १२ गते राति करिब १० बजेको समयमा यी दम्पतीको विभत्स हत्या भएको थियो। हत्यापछि धनमाल लुटेर फरार रहेका उनीहरूलाई केन्द्रीय अनुसन्धान ब्यूरो, कोशी प्रदेश प्रहरी र जिल्ला प्रहरी कार्यालय ओखलढुङ्गाको संयुक्त टोलीले माघ २३ गते काठमाडौँको डल्लुबाट पक्राउ गरेको थियो। अनुसन्धान प्रक्रिया पूरा भएपछि ओखलढुङ्गा जिल्ला अदालतले फागुन १४ गते उनीहरूलाई थुनामा पठाउन आदेश दिएको जिल्ला प्रहरी कार्यालय ओखलढुङ्गाले जनाएको छ।

अदालतको आदेशसँगै मुख्य अभियुक्त धनबहादुर राना मगरलाई कारागार कार्यालय ओखलढुङ्गा पठाइएको छ। यस्तै, घटनामा संलग्न नाबालकलाई भने सुधारका लागि बालसुधार गृह विराटनगर पठाइएको छ। उनीहरूमाथि लुटपाट र कर्तव्य ज्यान शीर्षकमा मुद्दा दर्ता गरी कानुनी प्रक्रिया अगाडि बढाइएको थियो।

जिल्ला प्रहरी कार्यालय ओखलढुंगाका सूचना अधिकारी एवं प्रहरी निरीक्षक विक्रम बहादुर भट्टराईका अनुसार गम्भीर प्रकृतिको यस घटनालाई प्रहरीले विशेष प्राथमिकतामा राखेर सूक्ष्म अनुसन्धान गरेको थियो।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.