मोरङमा दुर्गा प्रसाईंका नेता कार्यकर्ता पक्राउ

Share this
764shares
मुलुकी खबर
मुलुकी खबर
clock२०८२ फागुन १५, शुक्रबार १२:५२

विराटनगर । आगामी फागुन २१ गतेको प्रतिनिधिसभा सदस्य निर्वाचन बिथोल्नलाई भूमिका खेल्न सक्ने आशंकामा दुर्गा प्रसाईं नेतृत्वको महाअभियानका नेता कार्यकर्ता मोरङमा पक्राउ परेका छन् ।

विवादास्पद छविका मेडिकल व्यवसायी प्रसाईं राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक हुन् । उनी नेतृत्वको अभियानका तीन जना जिल्लास्तरीय नेता कार्यकर्तालाई प्रहरीले पक्राउ गरेको हो । पक्राउ पर्नेमा मोरङको बूढीगंगा गाउँपालिका–७ का अन्दाजी ४७ वर्षीय डोलेश्वर रेग्मी, पथरीशनिश्चरे नगरपालिका–३ का अन्दाजी ६३ वर्षीय सूर्य चौधरी र अन्दाजी ५८ वर्षीय चूडामणि राई रहेका छन् ।

पक्राउ पर्नेमध्ये रेग्मी राष्ट्र, राष्ट्रियता, धर्म, संस्कृति र नागरिक बचाउ महाअभियानका मोरङ जिल्ला संयोजक हुन् । चौधरी र राई कार्यकर्ता रहेको प्रहरीले जनाएको छ ।

मोरङ प्रहरीका प्रवक्ता डीएसपी हरिनन्दन चौधरीका अनुसार निर्वाचन विरोधी गतिविधि सञ्चालन गरेर चुनाव बिथोल्ने सम्भावना देखिएकाले तीनै जनालाई पक्राउ गरिएको हो । बिहीबार पक्राउ परेका उनीहरुविरुद्ध अभद्र व्यवहार मुद्दा चलाउन म्याद थप गरेर अनुसन्धानको बाँकी प्रक्रिया अघि बढाइएको जानकारी चौधरीले दिए ।

प्रहरीले निर्वाचन विरोधी गतिविधिमाथि निगरानी बढाएको र चुनाव बिथोल्ने सम्भावनालाई तत्कालै नियन्त्रणमा लिने रणनीति अपनाएको उनले बताए । कतै निर्वाचन विरोधी गतिविधि हुनसक्ने वा भइरहेको जानकारी पाएमा तत्काल सुरक्षा निकायलाई खबर गर्न पनि प्रहरीले सबैमा अनुरोध गरेको छ ।

महाअभियानका नेतृत्वकर्ता प्रसाईं पनि बारम्बार पक्राउ परिरहेका छन् । पछिल्लो समय निर्वाचन भाँड्ने गतिविधिमा संलग्न रहेको भन्दै कारबाही गर्न निर्वाचन आयोगले पत्राचार गरेपछि प्रहरीले उनलाई फागुन ४ गते काठमाडौंबाट पक्राउ गरेको थियो ।

बिना आधार र कारण थुनामा राखेको देखिएको भन्दै सर्वोच्च अदालतका न्यायाधीशद्वय मनोजकुमार शर्मा र न्यायाधीश मेघराज पोखरेलको इजलासले प्रसाईंलाई छाड्न गत मंगलबार आदेश दिएको थियो । सर्वोच्चको आदेशका आधारमा उनी बुधबार छुटेका थिए ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.